Австрид заавал амны хаалт зүүх шаардлагагүй болжээ
ДЭЛХИЙН МЭДЭЭ | НИЙГЭМВЕНА. /TASS/. Австрийн эрх баригчид дэлгүүр, зоогийн газар, үзэсгэлэн, дунд сургуулиудаар явахдаа иргэдийг амны хаалтаа заавал зүүхийг шаардсан дүрэм журмыг цуцалж, нийтийн хоолны газруудыг 23:00 цагаас 01:00 цаг хүртэл үйл ажиллагаагаа явуулахыг нь зөвшөөрчээ.
Жижиглэн худалдаа, боловсрол, нийтийн хоол, зочид буудал, музей, шашны газруудад 6
дугаар сарын 15-наас эхлэн заавал амны хаалт заавал зүүх шаардлагагүй болж байгаа аж. Зөвхөн
нийтийн тээвэр, эмнэлэг, эмийн сан болон үсчин, зоогийн газруудын ажилтнуудад л
амны хаалт зүүхийг шаарджээ. Мөн эрх баригчид шөнийн цэнгээний газар, кафенуудыг 01:00
цаг хүртэл ажиллахыг зөвшөөрсөн байна.
Тус улсад нэг метрийн зай барих, эрүүл ахуйн арга хэмжээ авах дүрэм журам үйлчилсэн хэвээр байгаа аж. "Амны хаалт заавал зүүхийг шаардахгүй байгаа хэдий ч олон хүн цугласан газар зүүхийг зөвлөж байна. Халдвар авсан хүний тоо дахин нэмэгдвэл хамгаалалтын арга хэмжээнүүдийг дахин чангатгах болно” гэж Эрүүл мэндийн сайд Рудольф Аншобера мэдэгджээ.
Австри 4 дүгээр сарын 14-нөөс коронавирусний дэгдэлттэй тэмцэх
хязгаарлалтын арга хэмжээнүүдээ үе шаттайгаар цуцалж эхэлжээ. Тавдугаар сарын
1-нд эрх баригчид өөрийгөө тусгаарлах дэглэмийг цуцалж, дэлгүүрүүд, үйлчилгээний
салбарын газруудыг нээсэн бол 15-наас зоогийн газар, музей, амьтны
хүрээлэн, спортын талбай, дунд сургуулиуд нээгджээ.
Мөн 5 дугаар сарын 29-нөөс зочид буудлууд, жуулчны бааз, бассейнууд
нээгдэж, 100 хүртэлх хүнийг оролцуулсан соёлын арга хэмжээ явуулахыг
зөвшөөрчээ. Долдугаар сарын 1-нээс эхлэн 250 хүртэлх хүнийг оролцуулсан олон нийтийн
арга хэмжээг байгууламж дотор, 500 хүртэлх тооны хүн оролцсон арга хэмжээг
гадна талбайд явуулахыг зөвшөөрч магадгүй байна.