Улаанбаатар
Э.Бэхбаяр, П.Өнөрбат нар ялагдлаа
МОНГОЛЫН МЭДЭЭ
Бразилийн Рио-де-Жанейро хотноо болж буй Зуны Олимпийн XXXI наадмын чөлөөт бөхийн эрэгтэйчүүдийн 57 кг-ын жинд хүч үзсэн Гавьяат тамирчин Э.Бэхбаяр, 74 кг-ын жинд барилдсан ОУХМ П.Өнөрбат нар ялагдал хүлээлээ.
Гавьяат тамирчин Э.Бэхбаяр эхний тойрогт Сенегалын бөх Адама Диаттатай барилдсан. Тэрбээр 3:1 харьцаатайгаар ялж байсан ч эцсийн мөчид 2 оноо алдсан. Ингээд Сенегалын бөх Адама Диатта сүүлд авсан 2 оноогоороо ялалт байгуулсан юм.
74 кг-ын жинд барилдсан ОУХМ П.Өнөрбат эхний тойрогтоо гоц мөргөсөн. Тэрбээр хоёрдугаар тойрогт Туркийн Сонер Демирташд 4:2 онооны харьцаагаар ялагдлаа.
Ч.Ариунболд
