Улаанбаатар
НҮБ-ын Хүүхдийн сангаас бодлогын зөвлөмж авна
МОНГОЛЫН МЭДЭЭ | НИЙГЭМ
Улаанбаатар, 2024 оны арваннэгдүгээр сарын 22 /МОНЦАМЭ/. Гэр бүл, хөдөлмөр, нийгмийн хамгааллын сайд Л.Энх-Амгалан НҮБ-ын Хүүхдийн Сангийн Зүүн өмнөд бүсийн нийгмийн бодлогын зөвлөх Андреа Росситой уулзлаа.
Уулзалтын үеэр тэрбээр УИХ-ын Нийгмийн бодлогын байнгын хороо болон Тогтвортой хөгжлийн зорилгын дэд хороо, НҮБ-ын Хүүхдийн сантай хамтран зохион байгуулсан “Нийгмийн бодлого, хамгаалал-хүүхэд” зөвлөлдөх уулзалтад “Монгол Улсад хүүхдүүдийн нийгмийн оролцоо ба амьжиргааг дэмжих нь: Нотолгоонд суурилсан шийдвэр гаргалт, зөвлөмж”-ийг танилцуулсан юм.
-Манай Улсын нийт хүн ам 3.5 сая байгаагийн 37.1 хувь буюу
1.2 сая хүүхэд байна.
-Хүүхдийн эсрэг хүчирхийллийн 70 гаруй хувь нь гэр бүлийн орчинд үйлдэгддэг.
-Хэдийгээр хүүхэд хамгааллын хуулийн шинэчилсэн найруулгыг
баталж, энэ оны есдүгээр сарын 1-нээс хэрэгжүүлж эхэлсэн ч хууль батлах нэг
хэрэг.
-Эргээд хөрсөн дээрээ бууж хэрэгжүүлж, нийгмийн бүх орчинд хүүхдийн хамгаалдаг байх хэрэгцээ шаардлага бий.
Хүүхэд хамгааллын бодлогоо хэрэгжүүлэх, үндэсний тогтолцоотой болоход НҮБ-ын Хүүхдийн сангаас бодлогын зөвлөмж авна гэж ГБХНХЯ мэдээлэв.
