СЭЛЭНГЭ: Цас орж шуурна
ОРОН НУТГИЙН МЭДЭЭ | СЭЛЭНГЭ
Сүхбаатар, 2026 оны хоёрдугаар сарын 11 /МОНЦАМЭ/. Сэлэнгэ аймгийн
нутгаар цас орж шууран, үзэгдэх орчин
хязгаарлагдахыг аймгийн УЦУОШТ-өөс анхааруулж байна.
Өнөөдрийн 20.00 цагаас
маргаашийн 20.00 цаг хүртэлх цаг агаарын урьдчилсан мэдээгээр Сэлэнгэ аймгийн
нутгаар солигдмол үүлтэй. Цас орохгүй. Салхи баруун хойноос секундэд 4-9 метр.
Агаарын температур шөнөдөө -18-23 градус, өдөртөө -3-8 градус хүйтэн байна.
Аймгийн төв Сүхбаатар хот
орчмоор солигдмол үүлтэй. Цас орохгүй. Салхи баруун хойноос секундэд 5-10 метр.
Шөнөдөө -18-20 градус, өдөртөө -6-8 градус хүйтэн байна.
2 дугаар сарын 13-17-ныг
хүртэлх 5 хоногийн цаг агаарын урьдчилсан мэдээгээр 13-нд цас орж, цасан шуурга
шуурна. Салхи ихэнх хугацаанд баруунаас секундэд 4-9 метр.
13-нд салхи зарим сумын
нутгаар секундэд 12-14 метр хүрч ширүүснэ. Агаарын температур шөнөдөө -17-22
градус, өдөртөө -2-7 градус хүйтэн. 14-нөөс хүйтэрч Орхон, Сэлэнгэ, Хараа, Ерөө
голын хөндийгөөр шөнөдөө -24-29 градус, өдөртөө -18-23 градус, бусад сумын
нутгаар шөнөдөө -18-23 градус, өдөртөө -11-16 градус хүйтэн байна.
16-наас өдөртөө бага зэрэг
дулаарна.
