Ulaanbaatar
ӨМНӨГОВЬ: Зорилтот бүлэгт чиглэсэн төслийн хэрэгжилт 80 гаруй хувьтай байна
ОРОН НУТГИЙН МЭДЭЭ | ӨМНӨГОВЬ
Даланзадгад, 2025 оны арваннэгдүгээр сарын 28 /МОНЦАМЭ/. Олон нийтийн оролцоонд түшиглэсэн халамжийн үйлчилгээг зорилтот бүлэгт хүргэх үйл ажиллагааг үе шаттай хэрэгжүүлж байна.
Энэ
ажлын хүрээнд “Төрийн болон орон нутгийн
өмчийн хөрөнгөөр бараа, ажил, үйлчилгээ худалдан авах тухай хууль”-ийн дагуу
зохион байгуулж, тендерт “Арвин эрдэнэ” ХХК шалгаран гэрээ байгуулан ажиллажээ.
Үйлчилгээнд
Даланзадгад, Баяндалай, Булган, Ханхонгор сумын 50 өрхийг сонгон хамруулж
нийгмийн халамж, хөдөлмөр эрхлэлт, бүлгийн төсөл, хувь хүний хөгжлийн чиглэлээр
хэрэгцээ шаардлагатай үйлчилгээг хүргэж 72 сая төгрөгийг зарцуулжээ.
Энэхүү үйлчилгээнд хамрагдсан
өрхүүдээс 22 бүлэг санхүүжилт хүссэн төсөл ирүүлж, ажлын хэсгийн шийдвэрээр 18
төсөл шалгарч, 32.400.000 төгрөгийн тоног төхөөрөмжийг хүлээлгэн өглөө.
Төсөл хэрэгжүүлэгчийг бүлгүүдэд ангилан харвал оёдол, гар урлал, хивс тохом нэхэх, сүү, цагаан идээ, зайрмаг, хоол үйлдвэрлэл, унадаг дугуйны засвар, хивс цэвэрлэгээ, гоо сайхан, маникюр, гэр цэвэрлэх үйлчилгээний чиглэлээр ажиллах юм.
Тоног
төхөөрөмж гардуулах үйл ажиллагаанд Хөдөлмөр, халамжийн үйлчилгээний газрын
дарга Б.Должинсүрэн болон “Арвин эрдэнэ” ХХК-ийн захирал Ц.Сувдмаа нар оролцож
төсөл хэрэгжүүлэгч иргэдэд тоног төхөөрөмжийг зориулалтын дагуу үр дүнтэй
ашиглан, үйлдвэрлэсэн бүтээгдэхүүнээ олон нийтэд сурталчлан таниулж, өрхийн
орлогоо нэмэгдүүлж, тасралтгүй ажиллах талаар зөвлөх ажлыг зохион байгууллаа.
.
Ингэснээр
үйлчилгээнд хамрагдсан 50 өрхөөс бүлгийн төсөл, ажлын байрны зуучлал, хэрэгцээ
шаардлагатай сургалт зөвлөгөө зэрэгт хамрагдсанаар 40 өрх хөгжлийн түвшнээ
ахиулан хөтөлбөрөөс гарч, хөтөлбөр 80 хувийн үр дүнтэйгээр хэрэгжсэн байна.
