Улаанбаатар
Монгол оюутнууд Азербайжанд газрын тосны чиглэлээр суралцана
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Манай улсад газрын тосны үйлдвэр барьж буйтай
холбогдуулан тус салбарын мэргэжилтнүүдийг гадаадад сургаж эхэлж байна.
Азербайжан улсын Газрын
тос, үйлдвэрлэлийн их сургуульд суралцах тус улсын Ерөнхийлөгчийн 100 хувийн
тэтгэлгийн сонгон шалгаруулалтад ШУТИС-ийн оюутан М.Мөнхбаяр, МУИС-ийн оюутан
Б.Мөнхнаран нар тэнцэж суралцахаар боллоо. Тэднийг Эрчим хүчний сайд
Ц.Даваасүрэн хүлээн авч уулзан баяр хүргээд, “Газрын тосны салбарын
боловсон хүчин бэлтгэх чухал үүрэгт ажлыг Засгийн газраас дэмжиж байна.
Азербайжан бол нефть олборлож байсан анхны улс юм. Монгол Улсад нефтийн хайгуул
хийхэд тус улсын геологийн салбарынхан ирж оролцож байсан. Газрын тос, хийн
чиглэлээр Каспийн орнууд дундаа төдийгүй дэлхийд хүлээн зөвшөөрдөг, арвин их
туршлагатай улсаас ихийг сураад эх орондоо ирээд сайн ажиллаарай” хэмээн
захилаа.
Монгол Улсын Эрчим хүчний сайд, Бүгд Найрамдах Азербайжан
улсын Эрчим хүчний сайд нарын 2018
онд харилцан
тохиролцсоны үндсэн дээр манай улсын оюутнуудыг Азербайжанд тус улсын
Ерөнхийлөгчийн бүрэн тэтгэлгээр сургахаар тохиролцсон юм. Энэхүү тэтгэлэгт
сургалтын төлбөр, байр, унаа, ном, сурах бичгийн төлбөр болон степенд багтсан
юм.
