Улаанбаатар
ЗАВХАН: Гэр бүлээрээ хүсэл мөрөөдлөө бичиж, зурж сансарт илгээж байна
ОРОН НУТГИЙН МЭДЭЭ | ЗАВХАН
Улиастай, 2024 оны аравдугаар сарын 6 /МОНЦАМЭ/. Завхан аймагт дэлхийн сансрын 7 хоног гурав дахь өдрөө үргэлжилж байна. Өнөөдрийн байдлаар 300 орчим хүүхэд, эцэг эхчүүд үйлчилгээ авчээ.
“Сансар ба уур амьсгалын өөрчлөлт” агуулгын хүрээнд зохион байгуулж байгаа үйл ажиллагааны идэвхтэй оролцогчид нь хүүхэд багачууд байна. Бид сансарт нисэхгүй ч захиа илгээж болно гэсэн үйлчилгээнд гэхэд 120 орчим хүүхэд багачууд эцэг эхчүүд захидал илгээжээ.
Сансрын нисгэгчийн тест бөглөж байна
Цэцэрлэгийн хүүхдүүд сансрын сонирхолтой зургуудыг будаж байна
Хүүхдүүд дурангаар сансрын сонин содон бүхнийг дурандаж болно
Хүсэл мөрөөдлөө САНСАРТ илгээгээрэй. Илгээсэн захидал нь NEW SHEPARD хөлгөөр хөөрч задгай сансарт гаран "САНСАРТ ХӨӨРСӨН" гэсэн тамга дарагдаад буцааж илгээгдэх болно. Гоё байгаа биз.
Сансрын гайхамшигтай үзэгдлийг дурандаж болно
Гаргуудын талаар танин мэдэж, мэдсэнээ будаж зурж байна
Цаасан бөмбөлөг хөөргөж байна
Багаараа онгоц хөөргөх туршилт хийж байна.
Бид жинхэнэ пуужин хөөргөж чадахгүй ч цаасан пуужин, бөмбөлөг хөөргөж чадна.
Сансартай холбоотой таалагдсан зургаа зуруулж болно
