Улаанбаатар
ТӨВ: Согтууруулах ундаа худалдах түүгээр үйлчлэх цагийн хязгаарыг шинэчлэн тогтоолоо
ОРОН НУТГИЙН МЭДЭЭ | ТӨВ
Зуунмод, 2024 оны аравдугаар сарын 21 /МОНЦАМЭ/. Төв аймгийн нутаг дэвсгэрт “Согтууруулах ундаа худалдах,
түүгээр үйлчлэх цагийн хязгаарыг шинэчлэн тогтоох” тухай аймгийн Засаг даргын захирамж
гарлаа.
Захирамжид согтууруулах ундаа худалдах цагийн хязгаарыг 7:00-00:00 цаг хүртэл, согтууруулах ундаагаар үйлчлэх цагийн хязгаарыг тухайн аж ахуйн нэгжийн сонголтоор буюу 11:00-22:00, 14:00-04:00 цаг хүртэл байхаар тусгажээ.
Энэхүү захирамж гарсантай холбогдуулан аймгийн Засаг даргын 2022
оны 6 дугаар сарын 22-ны дугаар А/350 дугаар захирамж хүчингүй болж байна. Тус захирамжаар аймгийн нутаг дэвсгэрт согтууруулах ундаа худалдах зөвшөөрөл бүхий дэлгүүрийн
ажиллах цагийн хуваарийг 7:00-00:00 цаг, согтууруулах ундаагаар
үйлчилгээ эрхлэх тусгай зөвшөөрөлтэй үйлчилгээний газрын ажиллах цагийн
хуваарийг 9:00 цагаас дараа өдрийн 01:00 цаг хүртэл байхаар тогтоож байжээ.
