Улаанбаатар
Компаниудын үнэт цаасны зах зээлийн үнэлгээ 1.8 их наяд төгрөгөөр нэмэгджээ
МОНГОЛЫН МЭДЭЭ | НИЙГЭМ
Улаанбаатар, 2024 оны аравдугаар сарын 21 /МОНЦАМЭ/. Үнэт цаасны арилжаагаар 2024 оны эхний 9 сард 998.9 тэрбум төгрөгийн гүйлгээ хийжээ. Энэ нь 2023 оны мөн үеийнхээс 384.7 тэрбум төгрөгөөр нэмэгдсэн байна. Гүйлгээний 657.8 тэрбум төгрөг нь анхдагч зах зээлийн гүйлгээ, харин 341.1тэрбум төгрөг нь хоёрдогч зах зээлийнх аж.Тухайлбал:
- 61.9 хувийг компанийн бонд,
- 24.4 хувийг компанийн хувьцаа,
- 13.2 хувийг хөрөнгөөр баталгаажсан үнэт цаас,
- 0.4 хувийг хөрөнгө оруулалтын сангийн нэгж эрхийнх юм.
Хөрөнгийн зах зээлд үйл ажиллагаа явуулж байгаа хувьцаат компаниудын үнэт цаасны зах зээлийн нийт үнэлгээ 9 дүгээр сард 12.1 их наяд төгрөг болж, 2023 оны мөн үеийнхээс 1.8 их наяд төгрөгөөр нэмэгджээ.
