Улаанбаатар
ДУНДГОВЬ: Зорилтот бүлгийн иргэдийн хөдөлмөр эрхлэлтийг дэмжих төсөл хэрэгжинэ
ОРОН НУТГИЙН МЭДЭЭ | ДУНДГОВЬ
Мандалговь, 2024 оны арваннэгдүгээр сарын 6 /МОНЦАМЭ/. Японы ЖАЙКА олон улсын
байгууллагын “Зорилтот бүлгийн иргэдийн хөдөлмөр эрхлэлтийг дэмжиж, бие
даан амьдрахад нь дэмжлэг үзүүлэх тогтолцоог бэхжүүлэх” төслийн баг Дундговь
аймагт ажиллаж байна.
Уг төслийг 2025 оноос
Дундговь аймгийн Сайнцагаан, Эрдэнэдалай, Гурвансайхан сум, нийслэлийн гурван
дүүрэгт хэрэгжүүлэх юм.
Өнөөдөр төслийн ахлах
зөвлөх Чиба Хисао болон ЖАЙКА төслийн багийнхан аймгийн Засаг дарга
С.Мөнхчулуун, Засаг даргын орлогч Ц.Ариунбаяр, холбогдох албаны хүмүүстэй
уулзан, туршилтын төслийн талаар танилцуулжээ.
Төслийн хүрээнд 11 дүгээр
сарын 5-наас туршилтын ажлыг хэрэгжүүлэх ба энэ ажлын хүрээнд Сайнцагаан
сумын зорилтот бүлгийн таван иргэнийг сонгон шалгаруулж, 12 дугаар сарыг
дуустал ажлын байранд дадлагажуулах, хувь хүний хөгжил харилцаа хандлага
өөрчлөх сургалтуудад хамруулах, үнэлгээ хийх, байнгын ажилтай болгох
чиглэлээр ажиллана.
Төслийн үйл ажиллагааг Дундговь аймагт ХХҮГ болон "Гэрэлтдэг ертөнц" ТББ хамтран хэрэгжүүлнэ.
