Улаанбаатар
ХӨВСГӨЛ: МУГТ Б.Баасанхүү “Хоймор нутгийн шилдгийн шилдэг”-ээр тодорлоо
ОРОН НУТГИЙН МЭДЭЭ | ХӨВСГӨЛ
Мөрөн, 2024 оны арванхоёрдугаар сарын 15 /МОНЦАМЭ/. Хөвсгөл аймгийн Улаанбаатар хот дахь нутгийн зөвлөлөөс жил бүр “Хөх сувд” шинэ жилийн баярыг зохион байгуулж хоймор нутгийнхаа салбар бүрийн шилдгүүдийг тодруулдаг уламжлалтай билээ.
“Хөх сувд-2024” ёслол, хүндэтгэлийн арга хэмжээ болж оны "Шилдгийн шилдэг"-ээр 2024 оны Ази тивийн аварга, Душанбе Их дуулга тэмцээний аварга, Абу-Даби-2024 Дэлхийн аварга шалгаруулах тэмцээний алтан медальт, “Парис-2024” зуны XXXIII Олимпын наадмын мөнгөн медальт, ШШГЕГ-ын Сүлд спорт хороо, Үндэсний шигшээ багийн тамирчин МУГТ Б.Баасанхүү шалгарсан байна.
Тэрээр хүндэтгэх шалтгааны улмаас шагналаа гардан авч чадаагүй байна
Энэ үеэр “Соёл урлагийн салбарын шилдэг”-ээр МУСГЗ Р.Өнөржаргал
“Боловсрол, шинжлэх ухааны салбарын шилдэг”-ээр Онолын математикч У.Батзориг
“Шилдэг нутгийн зөвлөл”-өөр Тосонцэнгэл сумын Улаанбаатар хот дахь нутгийн зөвлөл
“Бизнесийн салбарын шилдэг”-ээр “Morning Blue Dragon” группийн захирал Ч.Пүрэв-Осор
Шилдэг “Төр нийгмийн зүтгэлтэн”-ээр УИХ-ын гишүүн МҮЭХ-ны Ерөнхийлөгч асан С.Эрдэнэбат
“Шилдэг оюутан”-аар Дотоод хэргийн их сургуулийн сонсогч А.Билгүүндалай нар тус тус шалгарсан байна. 
