Улаанбаатар
ХОВД: Зургаан сумын малчид цагаанаар зудархуу нөхцөлд байна
ОРОН НУТГИЙН МЭДЭЭ | ХОВД
Жаргалант, 2024 оны арванхоёрдугаар сарын 23 /МОНЦАМЭ/. Ойрын өдрүүдэд Ховд аймгийн нутгаар цаг агаар тогтворгүй байна.
Энэ сарын 24, 25-нд зарим нутгаар цас орж, хүйтний эрч чангарах тул болзошгүй эрсдэлээс сэрэмжтэй байхыг мэргэжлийн байгууллагаас анхаарууллаа.
Өнөөдрийн байдлаар нутгийн 89 хувьд цастай байна. Зудын байдалд үнэлгээ хийхэд Ховд аймгийн Алтай, Дарви, Үенч, Булган, Чандмань, Дөргөн гэсэн зургаан сумын нутгаар цасны зузаан 5-10 см, цагаанаар зудархуу нөхцөлд байна гэж Ус, цаг уур, орчны шинжилгээний төвөөс мэдээллээ.
Мөн Зэрэг, Ховд, Цэцэг, Мянгад Эрдэнэбүрэн, Мөст суманд цасны зузаан 2-3 см байгаа бол Мөнххайрхан сумын нутгаар нэг см-ээс бага цасан бүрхүүлтэй байна.
Аймаг, сумдад өвс, тэжээлийн аюулгүйн нөөц бүрдүүлэх ажил үргэлжилж байгаа ба малчид, иргэд цаг агаарын урьдчилсан төлөв мэдээллийг тогтмол авч, эрсдэлээс сэргийлэхийг мэргэжилтнүүд зөвлөлөө.
Холбоотой мэдээ
