Улаанбаатар
ӨМНӨГОВЬ: Бага ангийн сурагчдын бүтээлч сэтгэлгээг түлхүү хөгжүүлнэ
ОРОН НУТГИЙН МЭДЭЭ | ӨМНӨГОВЬ
Даланзадгад, 2024 оны арванхоёрдугаар сарын 28 /МОНЦАМЭ/. Өмнөговь аймгийн Засаг даргын ивээл дор хүүхэд, залуучуудын инженер сэтгэлгээ, цахим хэрэглээг дэмжих зорилгоор "Боловсролын технологийн өдөрлөг"-ийг энэ сарын 24-25-ны өдөр зохион байгууллаа.
Өдөрлөгт Даланзадгад
сумын 6 сургуулийн 80 гаруй хүүхэд оролцлоо.
Өмнөговь
аймаг 2022 оноос эхлэн бүх цэцэрлэгтээ "Steam кinder" хөтөлбөрийг амжилттай
хэрэгжүүлж, Цогт-Овоо, Сэврэй сумын цэцэрлэгийн хүүхдүүд олон улсын "World
green mech" уралдаанд амжилттай оролцож байсан юм.
Харин
2025 онд нийт ЕБС-ийн бага ангийн сурагчдын математик, инженерчлэл, бүтээлч
сэтгэлгээг хөгжүүлэх олон улсын "steam-prime" хөтөлбөрийг хэрэгжүүлэхээр төлөвлөж
байна.
Мөн
боловсролын салбартаа сургалтын шинэ технологийг нэвтрүүлж, ашиглах чиглэлээр
санаачилга гарган 22 сургуульд ухаалаг ангийг байгуулж, 32 цэцэрлэгийг шимт
хөтөлбөрийн хэрэглэгдэхүүнээр хангажээ.
