Улиастай, 2024 оны арванхоёрдугаар сарын 29 /МОНЦАМЭ/. Завхан аймгийн оны онцлох 12 хүүхэд, оны онцлох гэр бүлүүдийг шалгаруулж шагналыг нь гардуулан өглөө.

Завхан аймгийн Хүүхэд, гэр бүлийн хөгжил, хамгааллын газар, аймгийн Боловсрол шинжлэх ухааны газар, аймгийн ЗДТГ-аас хүүхдийн хөгжих, нийгмийн амьдралд оролцох, тэдний гаргасан амжилт, ололтыг алдаршуулах, нийгэмдээ үлгэр дуурайлал 

болгох зорилгоор “Оны онцлох хүүхэд”-ийг шалгаруулах ёслолыг жил бүр уламжлал болгон зохион байгуулж байна.

2024 онд гаргасан амжилт, ажил үйлс, шинийг санаачилсан байдал, идэвх оролцоогоороо манлайлсан хүүхэд багачууд, гэр бүл, нийгмийн ажилтан, эцэг эхийн зөвлөл, хамтарсан багийг шалгаруулан шагналыг гардуулан өгчээ.

"Оны онцлох хүүхэд"-ээр:

-Сурлагын амжилт төрөлд Тосонцэнгэл сумын Ерөнхий боловсролын 1-р сургуулийн 10-р ангийн суралцагч Баттогтохын Аззаяа,

-Сурлагын амжилт төрөлд Ерөнхий боловсролын Дэвшил сургуулийн 12-р ангийн суралцагч Алтангэрэл Лхагважаргал,

-Урлаг, уран бүтээл төрөлд Монгол улсын консерваторын харьяа Хөгжим бүжгийн коллежийн 10 ангийн суралцагч Сүх-Очирын Мөнх-Оргил,

-Урлаг, уран бүтээл төрөлд “Амка Dance” клуб, Хөгжим бүжгийн коллежийн 10 ангийн суралцагч Очирбалын Энхмарал,

-Биеийн тамир, спортын төрөлд Тэс сумын ерөнхий боловсролын сургуулийн 9-р ангийн суралцагч Эрболдын Шүхэрт,

-Биеийн тамир, спортын төрөлд Улиастай сумын Жавхлант Цогцолбор сургуулийн 12 г ангийн суралцагч Нэргүйн Цэрэндэчин,

-Биеийн тамир, спортын төрөлд Улиастай сумын Чандмань-Эрдэнэ лаборатори сургуулийн 9-р ангийн суралцагч Ганзоригийн Саранзаяа,

-Соёлын өвийг тээгч төрөлд Жавхлант цогцолбор сургуулийн 12-р ангийн суралцагч Ганболдын Ганхүлэг,

-Хүүхдийн өөрийн удирдлагын байгууллагын тэргүүний идэвхтэн төрөлд Улиастай сумын Жавхлант цогцолбор сургуулийн 12а ангийн суралцагч Батбаатарын Пүрэвдэмбэрэл,

-Хүмүүнлэг энэрэнгүй сайн үйлс төрөлд Улаан загалмай хорооны Өсвөрийн Улаан загалмайч Сүхбаатарын Насанжаргал,

-Техник сэтгэлгээ, шинэ санаа, санаачилга, бүтээлч төрөлд Улиастай сумын Жавхлант цогцолбор сургуулийн 12-р ангийн суралцагч Ганбаатарын Бат-Ундраа,

-Баг, хамт олны амжилт төрөлд Завхан аймгийн Биеийн тамир, Спортын Газрын дэргэдэх Г.Ганцэцэг дасгалжуулагчтай, Б.Чинзориг ахлагчтай Волейболын эрэгтэй баг хамт олон,

Мөн үеэр Завхан аймгийн "Шилдэг хүүхэд" тэмдгээр 2024 онд амжилт гаргасан 10 суралцагчийг шагнажээ. Мөн оны онцлох нийгмийн ажилтнаар Нөмрөг сумын ерөнхий боловсролын сургуулийн нийгмийн ажилтан Т.Батжаргал шалгарсан байна.

"Оны онцлох гэр бүл”-ээр Улиастай сумын харьяат Дамдингийн Гантөмөрийн гэр бүл, Тосонцэнгэл сумын харьяат Бат-Амгалангийн Буянжаргалын гэр бүл тус тус шалгарсан байна. Байгууллагын дэргэдэх “Шилдэг эцэг эхийн зөвлөл”-өөр аймгийн Онцгой байдлын газар, аймгийн Шүүхийн шийдвэр гүйцэтгэх газар, Тосонцэнгэл сумын 1-р цэцэрлэгүүд шалгарсан байна гэж Завхан аймгийн Хүүхэд, гэр бүлийн хөгжил, хамгааллын газраас мэдээлэв. 

Хүмүүнлэг энэрэнгүй сайн үйлс төрөлд, Улаан загалмай хорооны Өсвөрийн Улаан загалмайч Сүхбаатарын Насанжаргал шалгарчээ. Тэрээр “Хүүхэд залуучуудын хөтөлбөрт” хамрагдсан 250 гаруй өсвөрийн улаан загалмайчдын нэг бөгөөд үе тэнгийнхээ хүүхэд залуучууд, асаргаа шаардлагатай байгаа зорилтот бүлгийн иргэдэд 34 удаагийн үйл ажиллагааг зохион явуулахад манлайлан оролцжээ.

“Хариуцлагатай хамтарсан баг-2024” уралдаанд тэргүүн байрыг Тосонцэнгэл сумын хамтарсан баг, дэд байрыг Улиастай сумын Өлзийт багийн хамтарсан баг, гуравдугаар байрыг Улиастай сумын Богдын гол багийн хамтарсан баг тус тус шалгарч мөн үеэр шагналаа гардлаа.