Улаанбаатар
ХОВД: Оны онцлох 10 хүүхэд тодорчээ
ОРОН НУТГИЙН МЭДЭЭ | ХОВД
Жаргалант, 2024 оны арванхоёрдугаар сарын 29 /МОНЦАМЭ/. Ховд аймагт энэ оны онцлох хүүхдийг шалгаруулах ёслолын үйл ажиллагаа боллоо.
Энэ сарын 27-нд болсон тус үйл ажиллагааг Ховд аймгийн Хүүхдийн төлөө Зөвлөл, Хүүхэд, гэр бүлийн хөгжил, хамгааллын газар хамтран зохион байгуулсан юм.
Энэ үеэр 2024 онд сурлага, урлаг, спортоор болон бусад төрлөөр амжилт гаргасан 60 гаруй хүүхдээс шилдгийн шилдэг 10 хүүхдийг “2024 оны онцлох хүүхэд"-ээр тодруулж, батламж гардуулжээ.
1. Техник сэтгэлгээ, шинэ санал, санаачилга, бүтээлч байдал төрөлд "Хөгжил" политехник коллежийн иргэний барилгын техникчийн II ангийн суралцагч Наранбаатарын Буд
2. Сурлагын амжилт төрөлд Жаргалант сумын ерөнхий боловсролын Прогресс сургуулийн 10в ангийн сурагч Амартүвшиний Ариунзаяа
3. Урлаг, уран бүтээл төрөлд Жаргалант сумын ерөнхий боловсролын Прогресс сургуулийн 9б ангийн сурагч Эрдэнэчулууны Саранзаяа
4.Биеийн тамир, спортын төрөлд Жаргалант сумын ерөнхий боловсролын III сургуулийн 10а ангийн сурагч Шинэбаярын Сувд- Эрдэнэ
5. Монгол ёс, түүх, соёлыг өвлөн уламжлагч төрөлд Жаргалант сумын ерөнхий боловсролын Прогресс сургуулийн 12б ангийн сурагч Амартүвшиний Мялхаасүрэн
6. Байгаль хамгаалал, эрүүл, аюулгүй орчин төрөлд Мөнххайрхан сумын ерөнхий боловсролын сургуулийн “Цаст гялбаа” эко клубийн гишүүн Гантулгын Энхням
7. Хүмүүнлэг энэрэнгүй сайн үйлстэн төрөлд Одбилэгийн Халиунаа
8. Хүүхдийн оролцооны өөрийн удирдлага төрөлд Жаргалант сумын ерөнхий боловсролын "Цаст-Алтай" сургуулийн 12г ангийн сурагч Батгэрэлийн Батдаваа
9. Багийн амжилт төрөлд Бүжиг бүжгийн дугуйлангийн Г.Амарбаяр ахлагчтай “Өв тээгч-2” хамтлаг
10. Оюун ухааны спорт төрөлд МУИС-ийн харьяа Ховд дахь ерөнхий боловсролын ахлах Лицей сургуулийн 12б ангийн сурагч Туяахүүгийн Танхилуунтамир шалгарлаа.
Мөн энэ үеэр Хүүхэд, гэр бүлийн хөгжил, хамгааллын газрын нэрэмжит өргөмжлөлөөр 10 хүүхэд шагнуулсан юм.
