Улаанбаатар
Нийслэлд санхүүгийн дэмжлэг үзүүлсэн аж ахуйн нэгжид хөнгөлөлт үзүүлнэ
МОНГОЛЫН МЭДЭЭ | УЛС ТӨР
Улаанбаатар, 2024 оны арванхоёрдугаар сарын 30 /МОНЦАМЭ/. Улаанбаатар хотын агаарын бохирдлыг бууруулахад чиглэсэн нийтлэг журам батлагдсантай холбогдуулж, зохих арга хэмжээ авахыг Засгийн газрын өнөөдрийн хуралдаанаас зарим албан тушаалтанд үүрэг болгов.
Уг журамд нийслэл хотын нутаг дэвсгэрт хөрөнгө оруулалт хийсэн болон санхүүгийн дэмжлэг, хандив олгосон албан татвар төлөгч аж ахуйн нэгжид хөнгөлөлт үзүүлэхээр заасан. Үүнд:
-Улаанбаатар хотын төвлөрлийг сааруулж, агаарын бохирдлыг бууруулах,
-Байгаль орчинд ээлтэй дулаан, цахилгааны эх үүсвэрийг нэмэгдүүлэх,
-Гэр хорооллын бүсэд эрчим хүчний хэмнэлттэй, ногоон, пассив
барилгын стандарт болон ногоон санхүүжилтийн шаардлага хангахуйц бие даасан
инженерийн шийдэлтэй хороолол барьж байгуулах,
-Авто замын сүлжээг өргөтгөх,
-Нийгмийн зайлшгүй хэрэгцээг үндэслэн газар чөлөөлөх,
-Нийтийн эзэмшлийн зам, талбай, цэцэрлэгт хүрээлэн барьж байгуулах, нийтийн
тээврийн хөгжлийг дэмжих зэрэг болно.
Татварын хөнгөлөлт эдлэх бүтээн байгуулалт, төсөл, үйл ажиллагаанд тавигдах
нийтлэг шаардлагыг Сангийн яамнаас зөвлөмж болгосон загвараар боловсруулсан гэж ЗГХМОНХГ-аас мэдээллээ.
