Улаанбаатар
ӨНӨӨДӨР: Нийтийн албан тушаалтны хууль бус хөрөнгийг хураах тухай хуулийн төслийн олон нийтийн хэлэлцүүлэг болно
МОНГОЛЫН МЭДЭЭ | НИЙГЭМ
Улаанбаатар, 2025 оны нэгдүгээр сарын 10 /МОНЦАМЭ/. Нэгдүгээр сарын 10-ны баасан гарагт болох зарим үйл явдлын тойм:
10:00 цагт: УИХ-ын чуулганы хуралдаан болно.
10:00 цагт: ХЗДХЯ-нд Нийтийн албан тушаалтны хууль бус хөрөнгийг хураан авах, нөхөн төлүүлэх тухай хуулийн төслийн олон нийтийн хэлэлцүүлэг болно.
12:00 цагт: УИХ-ын Төрийн байгуулалтын байнгын хорооны хуралдаан болно.
12:00 цагт: Иргэдийн шударга шүүх ТББ-ын тэргүүн Х.Бат-Ялалт "Шүүх засаглалын шинэчлэлийг хийх нь зөв" сэдвээр “Зууны мэдээ” сонины Үндэсний мэдээллийн төвд мэдээлэл өгнө.
15:00 цагт: Ардчилсан Үндсэн хууль батлагдсаны 33 жилийн ойг тохиолдуулан УИХ-ын гишүүн Х.Тэмүүжин "Үндсэн хууль-Үндсэн зарчим ба Хууль зүйн салбарын өөрчлөлт" сэдвээр сэтгүүлчидтэй “Улаанбаатар Галлериа”-д чөлөөт уулзалт хийнэ.
-Бүжгийн
спортын өсвөр, залуучууд, насанд хүрэгчдийн УАШТ Буянт-Ухаа спортын ордонд
болно.
-Жюү жицүгийн өсвөр, залуучууд, насанд хүрэгчдийн УАШТ
Буянт-Ухаа спортын ордонд болно.
-Жүдо бөхийн
насанд хүрэгчдийн УАШТ Монгол бөхийн өргөөнд болно.
-Цэргийн албаны тухай хууль, Батлан хамгаалахын сайдын
тушаал, нийслэлийн Засаг даргын захирамжаар 2025 оны цэргийн бүртгэлийг
нийслэлийн хэмжээнд нэгдүгээр сарын 6-22-нд зохион байгуулна.
-Нэгдүгээр сарын 25-26-нд болох Нисгэгчгүй нисэх хэрэгсэл
жолоодлогын улсын аварга шалгаруулах “Дронокон-2025” тэмцээний бүртгэл энэ
сарын 14-нийг хүртэл үргэлжилнэ.
-Анх удаа орон сууц худалдан авсан иргэн, дотоод гадаадын их
дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй
иргэдийн материалыг нэгдүгээр сарын 1-нээс Татварын ерөнхий газарт хүлээн авч
байна.
-Энэ сарын 15-ны өдрөөс албан ёсоор улсын дугаарын захиалга
авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж,
байгууллага тус системтэй танилцаж, өөрийн мэдээллээ шалгаж, нягтлах
боломжтой.
-Шинэ болон шилмэл бүтээлийн “Онцлох бүтээлүүдийн үзэсгэлэн” энэ сарын 7-20-ны өдрүүдэд “Блью Мон” галерейд гарч байна.
-Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн Чингис хаан Үндэсний музейн 9 давхрын үзүүллэгийн танхимд энэ сарын 15-ныг хүртэл гарна.
