СҮХБААТАР: Төрийн далбааг заллаа

ОРОН НУТГИЙН МЭДЭЭ | СҮХБААТАР
odonchimeg@montsame.mn
2025-02-02 12:05:11

Баруун-Урт, 2025 оны хоёрдугаар сарын 2 /МОНЦАМЭ/. Шинээр ашиглалтад орсон спорт цогцолборт Монгол Улсын төрийн далбаа залах ёслол боллоо. Тус далбаа нь спорт цогцолборын хойморт байнгын байрлах юм.

 

Уг төрийн далбаа нь 4 метрийн урт, 1,5 метрийн өргөнтэй бөгөөд далбааг залах ёслолд аймаг орон нутгийн болоод спортын салбарын удирлагууд, багш дасгалжуулагч, тамирчдын төлөөлөл оролцов.


 

Төрийн далбааг Баруун-Урт сумын харьяат, олон улсын хүндийн өргөлтийн холбооны нэгдүгээр зэргийн шүүгч, Азийн хүндийн өргөлтийн холбооны шүүгчдийн зөвлөлийн гишүүн, олон улсын хэмжээний мастер Лхагвасүрэнгийн Одгэрэл дурсгал болгосон байна.

 

Л.Одгэрэл нь Токио-2020, Парис-2024 зуны олимпын наадам, Боэнус Аэрус залуучуудын олимпын наадам, Дэлхийн аварга шалгаруулах тэмцээнийг 10 удаа дэнсэлж, Монголын Үндэсний олимпын хорооны тэргүүн дээд шагнал Бөртэ чоно цомыг "Шилдэг шүүгч" номинацаар 2017, 2024 онд хүртэж, Монгол Улсынхаа нэрийг тив, дэлхийд өндөрт өргөж яваа шилдэг шүүгч юм.

Холбоотой мэдээ