Улаанбаатар
УВС: Зудын эрсдэлийн үнэлгээгээр “маш их” эрсдэлтэй гарчээ
ОРОН НУТГИЙН МЭДЭЭ | УВС
Улаангом, 2025
оны хоёрдугаар сарын 21 /МОНЦАМЭ/. Улсын хэмжээнд зудын эрсдэлийн
ерөнхий үнэлгээг хийхэд эрсдэлийн түвшин “дунд”, харин Баян-Өлгий, Завхан, Увс аймаг “маш их” эрсдэлтэй үнэлгээ гарсан байна.
Цаг уурын байгууллагын ирүүлсэн мэдээгээр нэгдүгээр арав
хоногийн сүүлч, хоёрдугаар арав хоногийн эхэн, гуравдугаар арав хоногийн дунд
үеүдэд аймгийн ихэнх нутгаар олон жилийн дунджаас 1-3 градусын хүйтэн, бусад
хугацаанд олон жилийн дунджийн орчим болон дунджаас бага зэрэг дулаан байх
төлөвтэй байна.
Нэгдүгээр арав хоногийн сүүлч, хоёрдугаар арав хоногийн
эхээр ихэнх нутгаар цас орж, салхи зарим газраар ширүүсч, цасан болон шороон
шуурга шуурах төлөвтэй байна.
Харин гуравдугаар арав хоногийн дунд болон сүүлч үеүдэд
бага зэргийн цастай, салхи шуурга ихтэй байх төлөвтэй байгаа тул өвөлжилт
хүндэрч болзошгүй болон хүндэрсэн бүс нутагт бэлэн байдлыг тасралтгүй хангаж
ажиллах шаардлагатай байна.
