Улаанбаатар
СЭЛЭНГЭ: Энэ сарын 12-ноос нийт нутгаар сэрүүснэ
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны гуравдугаар
сарын 9 /МОНЦАМЭ/. Сэлэнгэ аймгийн УЦУОШТ-өөс ирүүлсэн
мэдээгээр 10-11-нд цас орж, шуурах тул зам, даваа гүвээнд үзэгдэх орчин хязгаарлагдаж, халтиргаа гулгаа,
мөстөлт үүсэхийг онцгойлон анхааруулж байна.
3
дугаар сарын 9-ний 20.00 цагаас 10-ны 20.00 цаг хүртэлх цаг агаарын урьдчилсан
мэдээгээр Сэлэнгэ аймгийн нутгаар үүлшинэ. Зарим сумын нутгаар бага зэргийн
цас орно. Салхи баруунаас секундэд 6-11 метр хүрнэ. Агаарын температур шөнөдөө
-10-15 градус хүйтэн, өдөртөө +1+6
градус дулаан байна.
Аймгийн
төв Сүхбаатар хот орчмоор үүлшинэ. Цас орохгүй. Салхи баруунаас секундэд 6-11
метр хүрнэ. Агаарын температур шөнөдөө -9-11 градус хүйтэн, өдөртөө +2+4 градус дулаан байна.
3
дугаар сарын 11-15-ныг хүртэлх 5 хоногийн цаг агаарын урьдчилсан мэдээгээр 11-нд
ихэнх сумын нутгаар цас орж, зөөлөн цасан шуурга шуурна.
Бусад
хугацаанд цас орохгүй. Салхи ихэнх хугацаанд хойноос секундэд 5-10 метр, 3-р
сарын 11-нд салхи зарим сумдын нутгаар ширүүсч секундэд 9-14 метр хүрч цасан шуурга
шуурна.
Агаарын
температур Орхон, Сэлэнгэ, Хараа, Ерөө голын сав хөндийгөөр шөнөдөө -17-22
градус, өдөртөө 0-5 градус, бусад сумдын нутгаар шөнөдөө -9-14 градус, өдөртөө +3 градус дулаанаас -2 градус хүйтэн байна.
Энэ сарын 12-ноос
нийт нутгаар сэрүүснэ.
