Улаанбаатар
Аймаг, нийслэл, сум, дүүргийн ИТХ-ын 67 мандатад нөхөн сонгууль явуулна
МОНГОЛЫН МЭДЭЭ | УЛС ТӨР
Улаанбаатар, 2025 оны гуравдугаар сарын 13 /МОНЦАМЭ/. Аймаг, нийслэл, сум, дүүргийн ИТХ-ын нөхөн сонгууль зургаадугаар сарын 22-нд болно.
Хуульд зааснаар иргэдийн төлөөлөгч нас барсан, хүндэтгэн
үзэх бусад шалтгаанаар чөлөөлөгдөх хүсэлтээ гаргасан, шүүхийн шийдвэр гарсан,
тухайн орон нутгаас шилжсэн, төрийн жинхэнэ албан тушаалд томилогдсон, Аймаг,
нийслэл, сум, дүүргийн ИТХ-ын сонгуулийн тухай хуульд заасан үндэслэлээр
төлөөлөгчөөр сонгогдсонд тооцсон тухай шийдвэр хүчингүй болсон зэрэг
үндэслэлээр Хурлын Төлөөлөгчийн суудлыг нөхөх зорилгоор нөхөн сонгууль зохион
байгуулдаг.
Энэ сарын 10-ны өдрийн байдлаар 2 аймгийн ИТХ-ын тус бүр 1,
17 аймгийн 55 сумын ИТХ-ын 65 мандатад нөхөн сонгууль явуулахаар тухайн аймаг,
сумын ИТХ-ын шийдвэр гараад байна.
