Улаанбаатар
Тайландын хилээр халаадаг болон цахилгаан тамхи авч орохыг хоригложээ
МОНГОЛЫН МЭДЭЭ | НИЙГЭМ
Улаанбаатар, 2025 оны дөрөвдүгээр сарын 4 /МОНЦАМЭ/. Тайландын Хаант Улсын Засгийн газар халаадаг болон цахилгаан тамхитай холбоотой ялын бодлогыг чангатгах замаар хэрэглээг бүрмөсөн хориглож буй.
Иймд тус улсад байх хугацаандаа халаадаг болон цахилгаан
тамхи, тэдгээрийн дагалдах хэрэгслийг бусдад худалдсан, бусдаас худалдан авсан,
хадгалсан, хилээр нэвтрүүлсэн, хэрэглэсэн тохиолдолд хуулийн дараах хариуцлагыг
хүлээнэ. Үүнд:
-Хэрэглэгчийн эрхийг хамгаалах тухай хуульд заасны дагуу
халаадаг болон цахилгаан тамхи, тэдгээрийн дагалдах хэрэгслийг бусдад худалдсан
этгээдэд гурван жил хүртэлх хугацаагаар хорих ял, мөн 600 мянган тай баатын
мөнгөн торгууль,
-Гаалийн тухай хуульд заасны дагуу халаадаг болон цахилгаан
тамхи, тэдгээрийн дагалдах хэрэгслийг бусдаас худалдаж авсан эсвэл хадгалсан
этгээдэд таван жил хүртэлх хугацаагаар хорих ял, мөн тухайн бүтээгдэхүүний нийт
үнийн дүнг дөрөв дахин нэмэгдүүлсэн хэмжээний мөнгөн торгууль,
-Гаалийн тухай хуульд заасны дагуу халаадаг болон цахилгаан
тамхи, тэдгээрийн дагалдах хэрэгслийг улсын хилээр нэвтрүүлсэн этгээдэд 10 жил
хүртэлх хугацаагаар хорих ял, мөн тухайн бүтээгдэхүүний нийт үнийн дүнг тав
дахин нэмэгдүүлсэн хэмжээний мөнгөн торгууль,
-Тамхины хяналтын тухай хуульд заасны дагуу олон нийтийн
газар халаадаг болон цахилгаан тамхи хэрэглэсэн этгээдэд 5000 тай баатын мөнгөн
торгууль оногдуулах аж.
Иймд манай улсын иргэд тус улсын хууль дүрмийг чанд сахиж,
хариуцлагатай аялахыг Монгол Улсаас Тайландын Хаант Улсад суугаа ЭСЯ-наас
зөвлөж байна.
