Улаанбаатар
БУЛГАН: Хөрөнгө оруулалт, бүтээн байгуулалтын 15 төслийг хэрэгжүүлнэ
ОРОН НУТГИЙН МЭДЭЭ | БУЛГАН
Булган, 2025 оны дөрөвдүгээр сарын 30 /МОНЦАМЭ/. Хойд бүсийн зөвлөлийн анхдугаар хуралдаан Булган аймагт 4 дүгээр сарын 28-29-ний өдөр боллоо.
Анхдугаар хуралдааны үеэр Монгол Улсын Засгийн газар Булган аймагт бүрэн бүрэлдэхүүнээрээ ажиллан, хөрөнгө оруулалт, бүтээн байгуулалтын дараах төсөл, үйл ажиллагаануудыг шийдвэрлэхээр Засгийн газрын тогтоолд тусгалаа.
1.
Эгийн голын усан цахилгаан станц төслийг эрчимжүүлэх
2.
Бага-Илэх боомт Хутаг-Өндөр чиглэлийн хатуу хучилттай авто замын ТЭЗҮ, зураг
төслийн ажлыг эрчимжүүлэх
3.
Монгол Улсын анхны Ерөнхий сайд А.Амарын мэндэлсний 140 жилийн ойг 2026 онд
тэмдэглэн өнгөрүүлэх. Энэ ажлын хүрээнд Булган аймаг-Бугат сумыг холбосон хатуу
хучилттай авто зам барих, Булган суманд А.Амарын алдар гавьяаг мөнхжүүлэх
зорилгоор Дурсгалын цогцолбор барих
4.
Булган аймагт шинээр барих 100 ортой нэгдсэн эмнэлгийн барилгын ажлын
санхүүжилтийг шийдвэрлэх
5.
Аймгийн Хөгжимт жүжгийн театрын хөрөнгө оруулалтыг Монгол Улсын хөгжлийн 2026
оны төлөвлөгөөнд тусгах
6.
“Бизнес инкубатор төв”-ийн барилгын ажлын санхүүжилтийг 2026 оны төсөвт тусгах
7.
Дулааны станцын өр төлбөр, өмчлөлтэй холбоотой асуудлыг судалж, цаашид авах
арга хэмжээний санал боловсруулах
8.
Баян-Агт, Сайхан, Могод сумыг улсын чанартай хатуу хучилттай авто замтай
холбох, Гурванбулаг-Элсэн тасархай чиглэлийн авто замын ажлын зураг төслийн
санхүүжилтийг 2026 онд шийдвэрлэх
9.
"Тээвэр логистикийн төв" байгуулах асуудлыг судлах
10.
Хойд бүсийн орон нутгийн хөгжлийн 6 төвийн инженер дэд бүтцийг хэрэгжүүлэх
11.“Хөдөө аж ахуйн гаралтай түүхий эд, бүтээгдэхүүний үйлдвэрлэл, технологийн
парк” байгуулах ажлыг судалж танилцуулах
12.Рашаант сумын нутаг дэвсгэрт байгуулахаар төлөвлөсөн зам дагуух үйлчилгээний
цогцолборын газрын байршилд өөрчлөлт оруулах
13.
Шинэ төрлийн таримал, малын тэжээлийн ургамал тариалалтыг нэмэгдүүлэх
14.
Дөрвөн улирлын аялал жуулчлалыг хөгжүүлэх. Энэ чиглэлээр үйл ажиллагаа явуулж
буй бизнес эрхлэгч, аж ахуйн нэгжид 6.0 хувийн хүүтэй, 6 жил хүртэлх хугацаатай
хөнгөлөлттэй зээл олгох
15. “Цахим аймаг, ухаалаг хот” зөвлөмжийг гаргах зэрэг төслийг хэрэгжүүлэхээр боллоо.
