Улаанбаатар
“Европын өдөрлөг-2025” Үндэсний цэцэрлэгт хүрээлэнд болно
МОНГОЛЫН МЭДЭЭ | НИЙГЭМ
Улаанбаатар, 2025 оны тавдугаар сарын 13 /МОНЦАМЭ/. “Европын өдөрлөг-2025”-ийг Үндэсний цэцэрлэгт хүрээлэнд энэ амралтын өдөр буюу 2025 оны тавдугаар сарын 17-ны бямба гарагт зохион байгуулна.
Европын өдөрлөгт хүрэлцэн ирснээр:
-Европын улс орнуудын өвөрмөц соёлтой танилцан, амттан
хоол ундаа амтлах
-70 гаруй асарт Европын Холбоо болон тус Холбооны
гишүүн орнуудын ЭСЯ, соёл боловсролын байгууллагууд, бизнес эрхлэгчид, Европын
Холбооны санхүүжилтээр хэрэгжиж буй хөгжлийн төсөл хөтөлбөрүүдийн үйл ажиллагаа
үр дүнтэй танилцах
-Европт суралцах, тэтгэлэгт хамрагдах боломжуудын
тухай мэдээлэл авах
-Шенгений визийн талаарх бодит зөвлөгөө, аяллын
мэдээлэл авах
-Эрасмус+ тэтгэлэгт хөтөлбөрийн төгсөгчидтэй уулзаж, тэдний туршлагаас сонсох боломжтой юм.
Мөн тайзнаа бүтэн өдрийн турш үргэлжлэх соёл урлагийн нээлттэй, үнэ төлбөргүй хөтөлбөрийн тухай дэлгэрэнгүй мэдээллийг: facebook, instgaram, twitter, веб хуудаст зочлон хүлээн авах боломжтой.
Хөгжилтэй, хэрэгтэй, сонирхолтой мэдээллээр дүүрэн
энэхүү өдөрлөгт хүрэлцэн ирж, Европын өдрийг хамтдаа тэмдэглэхийг зохион
байгуулагчид урилаа.
