Улаанбаатар
Газар тариалангийн бүс нутгаар маргааш цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны аравдугаар сарын 13 /МОНЦАМЭ/. Баруун аймгуудын нутгийн зарим газар, төвийн аймгуудын нутгийн хойд, зүүн аймгуудын нутгийн баруун хэсгээр цас орно. Бусад нутгаар багавтар үүлтэй, хур тунадас орохгүй.
Салхи ихэнх нутгаар баруунаас
секундэд 6-11 метр, өдөртөө нутгийн зарим газраар секундэд 13-15 метр хүрч
ширүүснэ.
Увс нуур болон Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр, Орхон, Сэлэнгэ, Хараа, Ерөө, Тэрэлж, Хэрлэн, Онон, Улз голын хөндийгөөр -2...+3 градус, говийн бүс нутгийн өмнөд хэсгээр +16...+21 градус, Их нууруудын хотгор, хангайн нурууны өвөр бэл, говийн бүс нутгийн хойд хэсгээр +9...+14 градус, бусад нутгаар +2...+7 градус дулаан байна.
Нутгийн хойд хэсгээр энэ сарын 13-нд, ялангуяа газар тариалангийн бүс нутгаар 14-нд
нутгийн зарим газраар нойтон цас, цас орж, явган шуурга шуурч, зам даваанд
халтиргаа гулгаа үүсэх, үзэгдэх орчин хязгаарлагдахыг ЦУОШГ-аас анхааруулжээ.
