Бельги Улсын профессор, судлаач солилцооны тэтгэлэг хөтөлбөр зарлалаа
МОНГОЛЫН МЭДЭЭ | БОЛОВСРОЛ
Улаанбаатар, 2026 оны хоёрдугаар сарын 6 /МОНЦАМЭ/. Бельгийн Хаант Улсын Валлони-Брюсселийн Судалгаа, дээд боловсролын академи /ARES/ болон “ASEM-DUO Хамтын ажиллагааны хөтөлбөр”-ийн хамтран хэрэгжүүлдэг "DUO-Belgium/Wallonia-Brussels 2026" тэтгэлэгт хөтөлбөрт Монгол Улсын их, дээд сургуулийн профессор, судлаачдыг бүртгэж эхэллээ.
Энэхүү хөтөлбөр Ази-Европын дээд хэмжээний уулзалт /ASEM/-ын гишүүн орнуудын их, дээд
сургуулиудын хамтын ажиллагааг бэхжүүлэх, профессор, судлаачдыг харилцан
солилцох эрдэм шинжилгээний чадавхыг нэмэгдүүлэх зорилготой.
Тэтгэлгийн нөхцөл ба санхүүжилт
- Тэтгэлгийн хэмжээ: Солилцоонд хамрагдаж буй
хоёр судлаачийн дунд 7.000 евро /Монгол Улсаас Бельги Улсад очих, Бельги
Улсаас Монгол Улсад ирэх нэг, нэг судлаач/
- Зарцуулалт: Замын зардал болон амьжиргааны зардалд зориулна.
- Үргэлжлэх хугацаа: 3 долоо хоногоос 2 сар хүртэл үргэлжилнэ.
Сонгосон судлаачид 2026 оны наймдугаар сараас 2027 оны наймдугаар сар хүртэл солилцооны хөтөлбөрт хамрагдана.
Тэтгэлэгт хөтөлбөрт элсэхийг хүсэгчид Монгол Улсын болон Бельгийн /Валлони-Брюссель бүс/ их, дээд сургуулиуд хамтын ажиллагааны хүрээнд нэг нэгнээ харилцан хүлээн авах байдлаар бүртгүүлэх, түнш хоёр сургуулийн хооронд хамтын ажиллагааны гэрээ эсвэл Харилцан ойлголцлын санамж бичиг /MoU/ байгуулсан байх, профессор, судлаач болон эрдэм шинжилгээний ажилтан байх зэрэг шаардлагыг хангасан байх ёстой.
2026 оны гуравдугаар сарын 13-ны өдөр Бельгийн цагаар 12:00 цаг хүртэл үргэлжилнэ.
Бүртгэлийг Бельгийн талын хүлээн авагч их сургуулийн хариуцсан алба /International Relations Office/ цахимаар мэдүүлнэ. Монгол талын судлаач нь Бельги талын хамтрагчтайгаа зөвлөлдөж, шаардлагатай баримт бичгийг бүрдүүлэн илгээх юм.
Дэлгэрэнгүй мэдээлэл болон анкетыг ARES-ийн албан ёсны www.ares-ac.be/fr/asem-duo, ASEM-DUO-ийн талаар ерөнхий мэдээллийг www.asemduo.org, уг хөтөлбөртэй холбоотой асуудлыг asem-duo@ares-ac.be, international@ares-ac.be цахим хуудаснаас авах боломжтой.
