Улаанбаатар
Сураггүй болсон иргэнийг эрэн хайх ажиллагаа үргэлжилж байна
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Рэнчинлхүмбэ сумын 39 настай Н 4 дүгээр сарын 23-нд гэрээсээ гараад сураггүй болсон тул түүнийг эрэн хайх ажиллагаа хоёр дахь өдрөө үргэлжилж байна.
Түүнийг сураггүй алга болсон тухай дуудлагыг 4 дүгээр сарын 29-ний
өдрийн 11:14 минутад аймгийн Онцгой байдлын газарт ирүүлсэн байна. Дуудлагын
дагуу Онцгой байдлын газрын Эрэн хайх, аврах салбарын дарга, хошууч
Н.Мягмарсүрэнгээр ахлуулсан алба
хаагчид, мөн Цагдаагийн газрын алба хаагчид, орон нутгийн иргэд 4 дүгээр сарын 30-ны өглөө Зөөлөн багийн Эмт гэдэг газраас сумын төвөөс баруун зүгт эхлүүлсэн байна. Мөн Онцгой байдлын газрын алба хаагчид Цагаан булаг гэдэг газар сумын
төвөөс зүүн хойд зүгт 5 км усаар эрэн хайх ажиллагааг явуулж үр дүнд хүрээгүй
тул өнөө өглөөний 06 цагт эрэн хайх ажлыг дахин үргэлжлүүлж байна.
