Улаанбаатар
БНАСАУ-ын эмэгтэйчүүдийн холбоо жагсаал цуглаан хийжээ
ДЭЛХИЙН МЭДЭЭ | УЛС ТӨР
ПЁНЬЯН.
/Rodong Sinmun/. БНАСАУ-ын Социалист эмэгтэйчүүдийн
холбоо Пёньянд олныг хамарсан жагсаал цуглаан хийх үеэрээ тус улсад ухуулгын
хуудас илгээсэн хэмээн БНСУ-ыг зэмлэн буруушаажээ.
“БНСУ-ын эрх баригчид
хийгээд БНАСАУ-аас оргон зугтсан хүмүүсийн үйлдлийг зэмлэн буруушаасан
Социалист эмэгтэйчүүдийн холбооны жагсаал цуглаан 6 дугаар сарын 9-нд болсон. Улс
орноосоо оргон зугтагсад БНСУ-ын эрх баригчдын ивээл дор бидний эрхэм дээд
чанарыг гутаан доромжилж, үндэснийхээ ариун нандин эхлэлийг бузарлаж зүрхэлдэг
болохыг жагсагчид хүлээн зөвшөөрч байна” хэмээн нийтлэлд тэмдэглэжээ.
БНСУ-тай харилцаа
холбооны бүх шугамаа хаах БНАСАУ-ын эрх баригчдын шийдвэрийг жагсагчид дэмжсэн байна.
Ухуулах хуудсууд
илгээснийх нь хариуд БНАСАУ БНСУ-тай харилцаа холбооны бүх шугамаа 6 дугаар
сарын 9-нөөс эхлэн хаажээ. Тухайлбал, харилцаа холбооны газарт байдаг бүх телефон
утас тэр дундаа хоёр Солонгосын цэргийнхэн хоорондын харилцаа холбооны шугамыг,
мөн Солонгосын Хөдөлмөрийн намын Төв хорооны байр, БНСУ-ын Ерөнхийлөгчийн ордонг
холбосон шугамыг хаасан байна.
Солонгос хоорондын
харилцаа холбооны асуудал эрхэлсэн газрыг хилийн Кэсон хотод 2018 оны 9 дүгээр
сард нээжээ. Хоёр Солонгосыг байнгын харилцаа холбоотой байлгах, солилцоог
нэмэгдүүлэхэд энэ газрын үйл ажиллагаа чиглэгдэж байсан аж.
