Улаанбаатар
Нийт хүн амын 54 хувийг дархлаажуулаад байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Улсын хэмжээнд “Ковид-19”-ийн вакцинаар нийт 18 935 иргэнийг өчигдөр дархлаажуулжээ.
Вакцинжуулалт эхэлснээс хойш нийслэлийн иргэдийн 1 001 954 нь эхний тунг, 879 524 нь хоёрдугаар тунг тариулжээ. Орон нутагт вакцины нэгдүгээр тунг 999 116 хүн, хоёрдугаар тунг 863 236 хүн тариулаад байна.
Харин улсын хэмжээнд вакцины нэгдүгээр тунгаар нийт 2 001 070 хүн, хоёрдугаар тунгаар 1 742 760 хүн буюу нийт хүн амын 54 хувийг дархлаажуулаад байгаа юм.
"Файзер" -ын вакцинаар 12-оос дээш насныхныг, 65-аас дээш насныхныг “Спутник V” вакцинаар дархлаажуулж буй юм.
Вирусээс хамгаалах гол арга бол вакцинжуулалт юм. Тиймээс иргэд халдвар хамгааллын дэглэмээ баримтлан, дархлаажуулалтад идэвхтэй хамрагдахыг ЭМЯ-наас сануулсаар байна.
Вакцин хийлгэхийн өмнө анхаарах зүйлс:
• “Ковид-19”-ийн вакцины талаар тодорхой мэдээлэлтэй байх
• Дулаан хувцаслах
• Сүүлийн 1 сарын хугацаанд ямар нэгэн вакцин хийлгээгүй байх
• Вакцинжуулалтын цэгт очиж вакцинаа хийлгэх
• Эмчийн үзлэгт орох
• Вакцин хийлгэсний дараа 30 минут ажиглалтад байх
• Халдвар хамгааллын дэглэмийг сахих (амны хаалт зүүх, гараа халдваргүйжүүлэх, хүн хоорондын зай барих)
Вакцин хийлгэсний дараа юу анхаарах вэ?
• Вакцин тарьсан хэсгийг хөндөхгүй, хүрэхгүй байх
• Даарахгүй байх, хоёр хоног ус хүргэхгүй байх
• Вакцин хийлгэхийн өмнө ба дараа согтууруулах ундаа хэрэглэхгүй байх
• Халдвар хамгааллын дэглэмийг сахих (амны хаалт зүүх, гараа халдваргүйжүүлэх, хүн хоорондын зай барих)
• Халуурах, ханиах зэрэг шинж тэмдэг илэрвэл 119 дугаарт хандах
• Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх
• Давтан тунгаа товлолт хугацаандаа хийлгэх
