Улаанбаатар
СҮХБААТАР: Тэргүүн их хамба Д.Жавзандоржид хүндэтгэл үзүүллээ
ОРОН НУТГИЙН МЭДЭЭ | СҮХБААТАР
Баруун-Урт
2023 оны арванхоёрдугаар сарын 15 /МОНЦАМЭ/. Аймгийн Засаг дарга
М.Идэрбат тэргүүтэй орон нутгийн удирдлагууд Өвлийн тэргүүн сарын шинийн гуравны билэгт сайн өдрийг тохиолдуулан Монголын бурхан шашинтны төв Гандантэгчэнлин хийдийн тэргүүн их хамба лам, 30 дугаар хамба номун хан, гэвш лхаарамба Д.Жавзандоржид хүндэтгэл үзүүллээ.
Д.Жавзандорж хамба Сүхбаатар аймгийн Баруун-Урт сумын уугуул. Тэрбээр 1991 онд Сүхбаатар аймгийн Бурхан шашинтны төв Эрдэнэмандал хийдэд
лам болж, бурхны
ном үзэж эхэлсэн байна. Үргэлжлүүлэн Улаанбаатар хотод ирж Зүүн хүрээ Дашчойлин хийдэд шавилж, Буддын гүн ухаанд суралцаж эхэлсэн байдаг. Харин 1998 оноос эхлэн 2005 он хүртэл тасралтгүй 8 жил Энэтхэгийн Гомон
дацанд Буддын гүн ухааны номд суралцсан байна.
Үүнээс хойш ч мөн ихэнх цагаа Энэтхэгт Буддын гүн ухааны
номд суралцахад зарцуулсан байна. Түүний хувьд 2018 онд лхаарамба цол хүртсэн бөгөөд Ардын хувьсгалаас хойш Монголын анхны лхаарамба цолтон болсон аж.
Тэргүүн их хамба Д.Жавзандорж жилдээ тогтмол орон нутагтаа ирж сүсэгтэн олон, нутгийн иргэдэдээ номын айлдвараа айлддаг уламжлалтай бөгөөд түүнйг Монгол орон даяар "Монгол багш" хэмээн хүндэтгэдэг юм.
