Ulaanbaatar
Монголбанк валютын дуудлага худалдаанд оролцсонгүй
МОНГОЛЫН МЭДЭЭ | ЭДИЙН ЗАСАГ
Арилжааны банкууд өнөөдөр Монголбанканд 314.55-314.65 төгрөгийн ханшаар 2.7 сая юань худалдан авах, 315.97-315.99 төгрөгийн ханшаар 4.3 сая юань худалдан авах санал ирүүлжээ.
Гэвч Монголбанк дуудлага худалдаанд оролцоогүй байна. Харин гадаад валютын своп, форвард хэлцлээр банкууд 3.5 сая ам.доллар худалдан авах төгрөгийн своп хэлцэл байгуулах санал ирүүлснийг 100 хувь биелүүлжээ.
Гадаад валютын дуудлага худалдаа нь валютын дотоодын зах зээлийн үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох Монголбанкы арга хэрэгсэл юм.
Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг ба дуудлага худалдаанд Монгол Улсын нутаг дэвсгэр дээр үйл ажиллагаа явуулж буй банкууд оролцдог. Харин банк бус санхүүгийн байгууллага, бусад аж ахуйн нэгж, иргэд нь өөрийн харилцагч банкаар дамжуулан дуудлага худалдаанд оролцох боломжтой аж.
Ч.Ариунболд
