Ulaanbaatar
Нийт нутгийн 70 хувьд бэлчээрийн ургамал цухуйгаагүй байна
МОНГОЛЫН МЭДЭЭ | НИЙГЭМ
Улаанбаатар, 2024 оны дөрөвдүгээр сарын 13 /МОНЦАМЭ/. Манай орны нийт нутгийн 70 хувьд энэ сарын 10-ны байдлаар бэлчээрийн ургамал цухуйгаагүй байна.
Завхан, Архангай, Дундговийн ихэнх, Увс, Ховд, Говь-Алтай,
Баянхонгор, Өвөрхангай, Төв, Өмнөговь, Дорноговийн зарим сумын нутгаар ургамал
цухуйсан ч мал бэлчээх боломжгүй, Булган, Сэлэнгийн ихэнх, Увс, Ховд,
Баянхонгорын цөөн сумын нутгаар дунд зэрэг, Хөвсгөл, Дархан-Уул, Төвийн зарим, Булган, Сэлэнгэ, Хэнтий,
Өмнөговь, Дорнодын цөөн сумын нутгаар хэвийн ургаж байна.
Энэ арав хоногт агаарын температур нийт нутагт олон жилийн
дунджийн орчим буюу түүнээс 1.1-7.5 градусаар дулаан, хур тунадас 70 гаруй хувьд олон жилийн
дунджаас ахиу, 30 орчим хувьд дунджийн орчим буюу түүнээс бага оржээ.
Харин Баян-Өлгийн
Сагсай, Увсын Давстад 8-10 см, Ховдын Мөст, Увсын Сагил, Түргэн, Баянхонгорын
Шинэжинстэд 3-4 см зузаан цастай байгааг Ус цаг уур, орчны судалгаа мэдээллийн хүрээлэн мэдээлэв.
Связанные новости
