Ulaanbaatar
БУЛГАН:"Өргөн сэлэнгээс өвлийн олимпод" уриатай тэшүүрийн тэмцээн болно
ОРОН НУТГИЙН МЭДЭЭ | БУЛГАН
Булган, 2025 оны нэгдүгээр сарын 23 /МОНЦАМЭ/. ОУХМ Баттулгын Гэрэлтуяагийн нэрэмжит гүйлтийн тэшүүрийн өсвөр үеийн аймгийн аварга шалгаруулах тэмцээн Булган аймгийн Булган суманд маргааш эхэлнэ.
Энэхүү тэмцээн нь өвлийн спортын гүйлтийн тэшүүрийн төрлийг түгээн дэлгэрүүлэх, тэшүүрийн спортоор амжилт гаргасан тамирчдыг таниулан сурталчилж, залгамж холбоог бэхжүүлэх, өсвөрийн баг, тамирчдын ур чадвар, тактикийг сайжруулан хөгжүүлэх, монголын хүүхдийн спортын VIII их наадамд оролцох тамирчдыг сонгон шалгаруулах зорилготой.
Тэмцээнд 16 сум, 1 тосгоны тамирчид оролцох бөгөөд нэгдүгээр сарын 24-26-ны өдрүүдэд 6 насны ангиллаар 3 төрөлд өрсөлдөнө.
"Өргөн сэлэнгээс өвлийн олимпод" уриатай тэшүүрийн тэмцээнийг Сэлэнгэ сумын Ерөнхий боловсролын сургууль, аймгийн Боловсролын газар, Биеийн тамир спортын газар хамтран зохион байгуулна.
