Ulaanbaatar
Ираны шигшээ баг ДАШТ-ий эрхээ авлаа
ДЭЛХИЙН МЭДЭЭ | СПОРТ
ТЕГЕРАН, 2025 оны гуравдугаар сарын 26. /ТАСС/. Амир Галенойгийн дасгалжуулсан Ираны шигшээ баг өөрийн талбайд Узбекистаны багтай тэнцсэнээр ДАШТ-д оролцох эрхээ авлаа.
ДАШТ-нд оролцогчдыг сонгон
шалгаруулах тэмцээний 8 дугаар тойргийн тоглолтод хоёр баг 2:2 харьцаагаар тэнцэж,
Ираны багийн хоёр гоолыг Мехди Тареми (52,83 дахь минут/ оруулжээ. Узбекистаны
багаас Хожимат Эркинов (16), Москвагийн ЦСКА-д тоглодог Аббосбек Файзуллаев
(53) нар гоолдсон байна.
Ираны баг 20 оноотой болсноор А
хэсгээс нэгээр эсвэл хоёроор гарах нь тодорхой болж, сонгон шалгаруулах тэмцээн
дуусахаас хоёр тойргийн өмнө ДАШТ-д оролцох эрхээ авлаа. Ингэснээр иранчууд дөрвөн
ДАШТ-д дараалан оролцохоор болж байна.
Харин 17 оноотой болсон Узбекистаны
баг дараагийн тойрогт АНЭУ-ын багтай, иранчууд Катарын багтай талбайд нь
тоглоно. Тоглолтууд зургаадугаар сарын 5-нд болно. АНЭУ-ын баг 7 тоглолтын
дараах байдлаар 10 оноотой болж, хэсэгтээ гуравдугаарт бичигдэж байна.
Энэ хэсгээс гурав ба дөрвөөр шалгарсан багууд ДАШТ-ний эрх авахын тулд бусад тивийн
багуудтай нэмэлт тоглолт хийнэ.
