Ulaanbaatar
Сингапурын шигшээ баг Монголд ирээд байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн талбайд гуравдугаар сарын 22-26-ны өдөр 2020 онд Тайланд улсад болох Ази тивийн 23 хүртэлх насныхны аварга шалгаруулах тэмцээний урьдчилсан шатны “G” хэсгийн тоглолтууд болно. `
Энэ хэсэгт БНАСАУ, Хонгконг, Сингапур, Монголын баг багтсан. Өнөөдрөөс эхлэн дээрх багуудын түрүүч Улаанбаатарт ирлээ. Сингапурын залуучуудын баг өчигдөр өглөө /2019.03.19/ “Буянт-Ухаа” олон улсын нисэх буудалд буужээ.
Сингапур, Монголын 23 хүртэлх насны багууд 2016 оны Ази тивийн аварга шалгаруулах тэмцээний урьдчилсан шатанд таарч тоглоход 2:2-оор тэнцэж байжээ. Харин энэ удаа хоёр багийн тоглолт гуравдугаар сарын 26-ны өдөр болох хуваарьтай. “G” хэсэгт багтсан БНАСАУ, Хонгконг, Сингапур, Монголын хэсгээ тэргүүлж чадсан нь “2020 AFC U-23 Championship” тэмцээний дараагийн шатанд тоглох эрхээ авах юм.
Хуваарь: /Монголын хөлбөмбөгийн холбооны талбайд/
03.22
13:00 Хонконг – Сингапур
17:00 БНАСАУ – Монгол
03.24
13:00 Сингапур – БНАСАУ
17:00 Монгол – Хонконг
03.26
13:00 БНАСАУ – Хонконг
17:00 Сингапур – Монгол
