Шилэн дансны хэрэгжилт 88 хувьтай байна
ОРОН НУТГИЙН МЭДЭЭ | ХЭНТИЙХэнтий /МОНЦАМЭ/ Хэнтий аймгийн
хэмжээнд шилэн дансны хэрэгжилт 88 хувьтай байгааг Санхүүгийн хяналт, аудитын албанаас мэдээллээ.
Шилэн дансны хэрэгжилтийг тайлан илгээлт, мэдээллийн иж бүрэн
байдал гэсэн хоёр шалгуураар дундчилж дүнг гаргаж
байгаа аж. 2020 оны эхний
хагас жилийн шилэн дансны тайлан хоцроосон 34
газарт хуулийн дагуу хариуцлага тооцсон байна.
Санхүүгийн хяналт, аудитын алба нь аймгийн төсвийн ерөнхийлөн захирагчийн харьяаны 168 байгууллагын шилэн дансны хэрэгжилтэд хуваарийн дагуу аудит хийж ажиллаж байгаа гэлээ.
Цаашид сум хөгжүүлэх
сан, жижиг дунд бизнесийг дэмжих
сангийн гүйцэтгэлд хяналт тавьж ажиллах, тус сангаас зээл авсан төрийн албан
хаагчдын зээлийг нэн даруй төлүүлэх арга хэмжээг хэрэгжүүлэхээр боллоо. Мөн шилэн дансны
хөтлөлтийг сайжруулж, 100 хувь хэрэгжүүлэн ажиллахыг аймгийн Засаг дарга тус албанд даалгалаа.