Ulaanbaatar
БНСУ Их Британитай нислэгээ зогсоох хугацааг сунгажээ
ДЭЛХИЙН МЭДЭЭ | НИЙГЭМ
СӨҮЛ. /Yonhap/.
БНСУ коронавирусний илүү хурдан халдварладаг
шинэ хувилбар тархахаас урьдчилан сэргийлэхийн тулд Их Британитай шууд нислэгээ зогсоох хугацааг дахин хоёр долоо хоногоор сунгажээ.
Их Британитай нислэгээ зогсоох шийдвэрийн үйлчлэх хугацаа пүрэв гарагт дуусах байсан боловч ийнхүү сунгаснаар ирэх гуравдугаар сарын 11 хүртэл үргэлжлэхээр боллоо гэж БНСУ-ын эрүүл мэндийн байгууллагын төлөөлөгчид мэдээлжээ. Сөүлийн засаг захиргаа Их Британитай нислэгээ зогсоох шийдвэрийг өнгөрсөн 12 дугаар сард гаргасан юм.
БНСУ-д хувьссан
вирусээр халдварласан 128 тохиолдол бүртгэгдсэний 109 нь Их Британид анх
илэрсэн хувилбар бол 13 нь Өмнөд Африкт илэрсэн, зургаа нь Бразилд тархсан
хувилбар байна гэж Солонгосын өвчинд хяналт тавих, урьдчилан сэргийлэх төв
мэдээлжээ.
БНСУ-д өнгөрсөн
хоногт коронавирусээр халдварласан 440 тохиолдол шинээр илэрснээр халдвар авсан
хүний нийт тоо 88140-д хүрсэн байна.
