Ulaanbaatar
Тэрүнофүжи Г.Ган-Эрдэнэ Дайэйшод өвдөг шороодлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Харү башёгийн 2 дахь өдрийн барилдаанд Их аварга /Ёкозүна/ Тэрүнофүжи Г.Ган-Эрдэнэ, Дайэйшо /М-1/-той учраа таарч түүнд окуридаши мэхээр ойчиж 1 даваа, 1 унаатай болов.
Харин Ичиножёо А.Ичинноров
/М-2/ энэ өдөр Озэки Такакейшотой хүч үзэж түүнийг ёрикири мэхээр хаяснаар тэд
даваа унаа адилхан нэг нэг боллоо.
Тамаваши Б.Мөнх-Оргил
/М-2/, Сэкиваке Аби-тэй учраа таарч түүнд цүкидаши мэхээр унаснаар 2 унаатай
башёг үргэлжлүүлж байна.
Комүсүби Хоошёорюү
С.Бямбасүрэн энэ өдөр Кирибаяама Б.Лхагвасүрэн /М-4/-тэй таарч барилдан түүнд
уватэнаге мэхээр ойчиж 2 унаатай болсон бол Кирибаяама 2 даваа байна.
Энэ өдөр шинэхэн Озэки Митакэүми, Ура /М-1/-тай учраа таарч барилдан түүнийг ошидаши мэхээр давснаар 2 даваатай болов. Мөн Чиёошома Г.Мөнхсайхан /М-8/, Окиноүми /М-7/-тэй барилдаж түүнийг шитатенаге мэхээр хаяснаар Харү башёг 2 даваатай эхлүүлээд байна.
