Ulaanbaatar
ДШХ-ны ерөнхийлөгчийн сонгуульд нэр дэвшигчид тодорлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Дэлхийн шатрын 44 дүгээр олимпиад ирэх сарын 28-наас наймдугаар сарын 10-нд Энэтхэгийн Ченнай хотноо болно.
Тус олимпиадын үеэр болох нэгэн чухал үйл явдал Дэлхийн шатрын холбоо /ДШХ/ФИДЕ/-ны ерөнхийлөгчийн сонгууль юм. Сонгууль ирэх сарын 7-нд Энэтхэгийн Ченнай хотод болох ФИДЕ-гийн Ерөнхий Ассамблейн үеэр болно. ФИДЕ-гийн албан ёсны гишүүнчлэлтэй 195 орны холбоо бүр ерөнхийлөгч болон дэд ерөнхийлөгчийн сонгуульд санал өгөх эрхтэй.
Сонгуулийн дүрмийн 21.8-д заасны дагуу ФИДЕ-гийн Ерөнхийлөгчийн
болон дэд ерөнхийлөгчийн сонгуульд нэр дэвших хүчинтэй шаардлага хангасан
дараах нэр дэвшигчдийн жагсаалтыг баталсан болохыг мэдэгдэв.
ДШХ-ны ерөнхийлөгчийн сонгуульд одоогийн ерөнхийлөгч Аркадий Дворкович болон Ананд Вишванатанаас гадна Андрий Барышполец болон Питер-Хейне Нильсен, Иналбек Черипов болон Льюис Нкубе, Бачар Коуатли болон Иан Вилкинсон нар өрсөлдөх юм.
