Ulaanbaatar
Олон улсын аялал жуулчлалын үзэсгэлэн зохион байгуулна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Нийслэлийн Аялал жуулчлалын газар, Улаанбаатар Аялал жуулчлалын холбоо хамтран “Улаанбаатар трэвэл экспо-2023” олон улсын аялал жуулчлалын үзэсгэлэнг энэ сарын 19-21-ний өдрүүдэд Мишээл экспо төвд 9 дэх жилдээ зохион байгуулна.
Үзэсгэлэнгийн үеэр
иргэд дотоодод болон гадаад улс руу мэргэжлийн байгууллагаар дамжуулан
аяллаа төлөвлөх, аялагчдын хүсэл сонирхолд нийцсэн аяллын хөтөлбөр, багцтай
танилцах, сонголт хийх, захиалгаа
хямд үнээр өгөх, аялал
жуулчлалын байгууллага,
үйлчилгээ эрхлэгчдийн мэдээллийг нэг дороос авах боломжтой.
Мөн цайны
замын олон улсын аялал жуулчлалын холбооны гишүүн аймаг, хотуудын уулзалт
зохион байгуулна. Үүнд нийслэлийн
АЖГ, Дорнод, Дорноговь,
Хэнтий, Сүхбаатар, Өмнөговь, Хэнтий, Төв аймгийн удирдлага, ОХУ-ын Бүгд Найрамдах Буриад Улсын Аялал
жуулчлалын сайд Д.А.Жангарович, БНХАУ-ын ӨМӨЗО-ны Соёл,
аялал жуулчлалын танхимын орлогч дарга Жан Вэнь Жүнь, Манжуур хотын засаг
даргын орлогч Гө Шяофан тэргүүтэй зочид төлөөлөгч оролцож, цар тахлын дараа
гурван орны аялал жуулчлалын хамтын ажиллагааг өргөжүүлэх талаар санал солилцоно.
