Ulaanbaatar
Элчин сайд Фарход Нуритдинович Арзиевийг хүлээн авч уулзлаа
МОНГОЛЫН МЭДЭЭ | УЛС ТӨР
Улаанбаатар, 2025 оны гуравдугаар сарын 19 /МОНЦАМЭ/. Гадаад харилцааны сайд Б.Батцэцэг Бүгд Найрамдах Узбекистан Улсаас Монгол Улсад хавсран суугаа Элчин сайд Фарход Нуритдинович Арзиевийг энэ сарын 19-нд хүлээн авч уулзлаа.
Сайд Б.Батцэцэг
манай хоёр улс өнгөрсөн 30 гаруй жилийн хугацаанд найрсаг харилцаа, хамтын
ажиллаагаа тогтвортой хөгжүүлж ирснийг дурдаад, далайд гарцгүй хөгжиж буй
орнуудын хувьд цаашид улс төрийн бүхий л түвшний яриа хэлэлцээг идэвхжүүлэх
чиглэлд Элчин сайдыг идэвх зүтгэлтэй ажиллана гэдэгт итгэлтэй буйгаа тэмдэглэв.
Элчин сайд Фарход Нуритдинович Арзиев өнгөрсөн онд Монгол Улсын Ерөнхийлөгчийн Узбекистан Улсад хийсэн төрийн айлчлал нь хоёр улсын хамтын ажиллагааны түүхэнд тодоор бичигдэн үлдэх үйл явдал болсныг онцлоод, 2025 онд хоёр улсын хооронд дээд, өндөр түвшний яриа хэлэлцээг гүнзгийрүүлж, худалдаа, эдийн засаг болон соёл, боловсрол, аялал жуулчлалын хамтын ажиллагааг хөхиүлэн дэмжих чиглэлд идэвх зүтгэлтэй ажиллахаа илэрхийлэв гэж ГХЯ-наас мэдээллээ.
