Ulaanbaatar
Засгийн газрын хуралдаанаар яамдын орон тооны дээд хязгаарыг батална
МОНГОЛЫН МЭДЭЭ | УЛС ТӨР
Улаанбаатар, 2025 оны зургаадугаар сарын 25 /МОНЦАМЭ/. Засгийн газрын ээлжит хуралдаан Төрийн ордонд үргэлжилж байна.
Хуралдаанаар 2025 оны төсвийн хүрээний мэдэгдэл, 2026-2027
оны төсвийн төсөөллийн тухай хуульд өөрчлөлт оруулах тухай хуулийн төсөл, 2025
оны төсвийн тухай хуульд өөрчлөлт оруулах тухай хуулийн төсөл болон дагалдаж
өөрчлөлт оруулах хуулийн төсөл, яамдын үйл ажиллагааны зохион байгуулалтын
бүтэц, орон тооны дээд хязгаарыг батлах тухай Засгийн газрын тогтоолын төсөл, Улсын
хэмжээнд 2025 онд эзэмшүүлэх, ашиглуулах зарим газрын байршил, хэмжээ,
зориулалтын жагсаалт батлах тухай Засгийн газрын тогтоолын төсөл, Монгол Улсын
иргэнд 2025 онд өмчлүүлэх газрын нийт хэмжээ, байршил зориулалтыг тогтоох тухай
Засгийн газрын 2025 оны 119 дүгээр тогтоолын хавсралтад өөрчлөлт оруулах тухай Засгийн
газрын тогтоолын төсөл зэрэг асуудлыг хэлэлцэх юм.
Мөн Монгол Улсын газрын тосны бүтээгдэхүүний хангамж,
нийлүүлэлтийн нөхцөл байдлын талаарх мэдээлэлтэй танилцана.
