Ulaanbaatar
“Сүүлчийн бороо” жүжиг дахин тайзнаа
МОНГОЛЫН МЭДЭЭ | СОЁЛ УРЛАГ
Улаанбаатар, 2025 оны аравдугаар сарын 28 /МОНЦАМЭ/. Монголд байдаг цөөхөн хувийн театруудын нэг “Pro” театр “Сүүлчийн бороо” жүжгээ 11 нэгдүгээр сарын 13-наас эхлэн дахин тайзнаа толилуулна.
Тус уран бүтээлийг Оросын зохиолч Александр Вампиловын “Нугасны ан” жүжгийн зохиолоос сэдэвлэж, “Pro” театрын уран бүтээлчид мета драмын хэлбэрээр шинэчилж найруулсан юм.
Жүжигт найз нөхдийн харилцаа, хайр сэтгэл, хувь хүний дотоод зөрчил, амьдралын үнэ цэнийг харуулах аж. “Pro” театрын уран бүтээлчид өмнө нь Францын алдарт зохиолчдын бүтээлээс сэдэвлэсэн хэд хэдэн жүжгийг үзэгчдэд хүргэсэн. Тухайлбал, Виктор Хюгогийн “Инээмтгийн хүн” романаас сэдэвлэсэн ижил нэрт визуал драм, Эрнст Теодор Амадей Гофманы “Цөмөөхэй ба хулганын хаан” үлгэрээс сэдэвлэсэн хүүхдийн жүжиг, мөн Александр Дюмагийн “Шадар гурван цэрэг” романаас сэдэвлэсэн физикл драмын жүжгийг толилуулжээ.
