Ulaanbaatar
Татварын хэлтсийн шинэ барилга энэ онд ашиглалтад орно
ОРОН НУТГИЙН МЭДЭЭ | ХЭНТИЙ
Хэнтий /МОНЦАМЭ/ Хэнтий аймгийн Татварын хэлтсийн шинэ барилгын шавыг тавих ёслолын үйл ажиллагаа өнөөдөр боллоо. Шинэ барилга энэ ондоо багтаж ашиглалтад орох аж.
Тус хэлтсийн хуучин барилга 1960 онд баригдсан бөгөөд 2010 онд Төрийн өмчийн бодлого зохицуулалтын газраас ашиглах боломжгүй гэсэн дүгнэлт хийж, акталсан ч үйл ажиллагаа явуулж иржээ.
Улсын төсвийн 1,3 тэрбум төгрөгийн төсөвт өртөгөөр баригдах шинэ барилга нь 1180м2 талбайтай, зоорийн давхартайгаа нийлээд дөрвөн давхар шилэн барилга байх юм.
Барилгын ажлын гүйцэтгэгчээр 2009 онд байгуулагдан өдгөө 1100 гаруй ажилтантайгаар үйл ажиллагаа явуулж буй "Moncon" констракшн сонгогдон ажлаа хүлээж аваад байна.
Барилгын шав тавих ёслолын үйл ажиллагаанд УИХ-ын гишүүн Д.Гантулга, аймгийн ИТХ-ын дарга Л.Батсайхан, Засаг дарга Н.Ганбямба, "Моncon" ХХК-ийн захирал Г.Батбаяр, Татварын хэлтсийн дарга А.Гантөмөр тэргүүтэй удирдлагууд оролцлоо.
Д.Одонтунгалаг
