Ulaanbaatar
Ашантийн эзэнт гүрний эд зүйлсийг Их Британиас Гана улсад өгчээ
ДЭЛХИЙН МЭДЭЭ | НИЙГЭМ
ЛОНДОН, 2024 оны дөрөвдүгээр сарын /BBC/. Ашантийн эзэнт гүрний хааны гэр бүлийн 32 эд зүйлийг Их Британиас Гана улсад сунгах нөхцөлтэйгөөр гурван жилийн хугацаатай түрээсээр буцаан өгчээ.
"Ашантийн хааны ордонтой холбоотой алт, мөнгөн эдлэлийг урт хугацааны түрээсийн гэрээгээр ордон музейд дэлгэн үзүүлнэ" гэж Гана улсын тал мэдэгдэв. Түүх, соёлын дурсгалт зүйлсийг Ганад буцаан авчрах тухай гэрээг Африкийн тус улсын засгийн газартай бус, харин ашанти (ашантихене) ард түмний одоогийн хаан II Отумфо Осэй Тутутай байгуулсан байна.
Ашанти гүрэн (одоогийн Гана улсын нутаг дэвсгэрт) 1670 онд байгуулагдаж, 1902 он хүртэл оршин тогтнож байжээ. Их Британийн эзэнт гүрэн долоон удаа дайн хийж тус улсыг эзлэн авсан байна.
1874 оны хоёрдугаар сард Британийн цэргүүд эзэнт гүрний нийслэл Кумаси хотыг эзлэн авчээ. Хотыг галдан шатааж, хааны ордныг дэлбэлэхээс өмнө Ашантийн гүрний хааны эд хэрэглэл зэрэг бүх үнэт зүйлсийг ордноос авсан байжээ. Эдгээр эд зүйл 150 жилийн туршид Британийн музей, Виктория ба Альбертийн музейд хадгалдагдсан байна. Удаан хугацааны туршид хэлэлцээ хийсний эцэст Гана улсын ард түмний өмч болох Ашантихэнэгийн гэр бүлийн эрдэнэсийг түрээслэх тохиролцоонд хүрчээ.
Ашанти эзэнт гүрний түүхэн дурсгалт эд зүйлсийг Кумаси дахь сэргээн засварласан ордон музейд 5 дугаар сараас дэлгэн үзүүлэх аж.
