Ulaanbaatar
Энэ сарын 21-нээс нутгийн хойд хэсгээр сэрүүснэ
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2024 оны дөрөвдүгээр сарын 20 /МОНЦАМЭ/.
Цаг
уур, орчны шинжилгээний газрын мэдээллээр өнөөдөр Говь-Алтай аймгийн нутаг,
Ховд аймгийн зүүн хэсгээр салхи секундэд 18-20 метр, зарим үед секундэд 24 метр
хүрч ширүүсэх тул цаг агаарын аюултай үзэгдлээс сэрэмжлүүлж байна.
2024 оны дөрөвдүгээр сарын 20-ны 08 цагаас 20 цаг
хүртэл, нутгийн баруун хагаст үүлшиж, бусад нутгаар багавтар үүлтэй. Баруун
аймгуудын ихэнх нутаг, төвийн аймгуудын баруун хэсгээр бороо, нойтон цас орно.
Салхи баруун аймгуудын нутгаар баруун өмнөөс хойш эргэж,
бусад нутгаар баруун өмнөөс секундэд 6-11 метр, Алтайн уулархаг нутаг, Арц
Богдын өвөр хоолойгоор секундэд 18-20 метр, зарим үед секундэд 24 метр хүрч
ширүүснэ.
Дархадын хотгор, Хөвсгөлийн уулархаг нутаг, Завхан голын
эх, Идэр, Тэс голын хөндийгөөр 2-7 хэм, Монгол-Алтай, Хангайн уулархаг нутаг,
Эг, Үүр голын хөндийгөөр 7-12 хэм, говийн бүс нутаг, Дарьгангын тал нутгаар
19-24 хэм, бусад нутгаар 14-19 хэм дулаан байна.
Улаанбаатар хот орчмоор үүлшинэ. Хур тунадас орохгүй. Салхи
баруун өмнөөс секундэд 5-10 метр. 17-19 хэм дулаан байна. Дөрөвдүгээр сарын
21-нээс 24-нийг хүртэлх цаг агаарын урьдчилсан төлөвөөр:
- 21-нд баруун аймгуудын зүүн хэсэг, төвийн аймгуудын ихэнх
нутаг, говь болон зүүн аймгуудын зарим газраар,
- 22-нд төв болон говийн аймгуудын зарим газар, зүүн
аймгуудын хойд хэсгээр,
- 23-нд Хангай, Хөвсгөлийн уулархаг нутаг болон Халх голын
сав газраар,
- 24-нд баруун болон төвийн аймгуудын ихэнх нутгаар бороо,
цас орж, цасан шуурга шуурна.
Салхи 21-нд ихэнх нутгаар, 22-нд говь, тал, хээрийн
нутгаар, 23-нд Алтайн салбар уулс, Арц Богдын өвөр хоолойгоор, 24-нд нутгийн
баруун хагаст секундэд 15-17 метр, зарим үед секундэд 24 метр хүрч шороон
шуурга шуурна.
21-нээс нутгийн хойд хэсгээр сэрүүсэж Увс нуур болон
Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр
шөнөдөө 10-15 хэм хүйтэн, өдөртөө 2 хэмийн хүйтнээс 3 хэм дулаан байна.
Алтай, Хангай, Хөвсгөл, Хэнтийн уулархаг нутаг, Орхон,
Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 5-10 хэм хүйтэн,
өдөртөө 3-8 хэм, говийн бүс нутгийн өмнөд хэсгээр шөнөдөө 1-6 хэм, өдөртөө
18-23 хэм дулаан, говийн бүс нутгийн хойд хэсгээр шөнөдөө 3 хэмийн хүйтнээс 2
хэм дулаан, өдөртөө 12-17 хэм дулаан, бусад нутгаар шөнөдөө 1-6 хэм хүйтэн,
өдөртөө 5-10 хэм дулаан байна.
