Ulaanbaatar
Мөсөн дээгүүр явах болон авто тээвэр хийхгүй байхыг анхааруулав
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Он гарсаар Онцгой байдлын байгууллагын алба хаагчид гол, нуурын мөс цөмөрч автомашинтай живсэн гэсэн 12 удаагийн дуудлагаар ажиллаж, 23 иргэнд авран хамгаалжээ.
Харин Цаг уурын байгууллагын ирүүлсэн мэдээллээр гуравдугаар
сарын нэгдүгээр арав хоногийн байдлаар манай орны ихэнх гол, мөрөн, нуурын
мөсний зузаан өнгөрсөн хугацааныхаас төдийлөн өөрчлөгдөөгүй ч зарим голд
мөс харлах, мөс байрандаа хайлах, усан зах үүсэх, харз гүйх зэрэг үзэгдэл
ажиглагдаж мөсний зузаан өмнөх арав хоногийнхоос 5-20 см нимгэрсэн байна.
Цаашид цаг агаарын дулаарч гол мөрний мөс хайлж,
мөсний нягт багасан хэврэгших тул цаг хожих, зам товчлох зэргээр мөсөн
дээгүүр явах болон авто тээвэр хийхгүй байх, бага насны хүүхдийг гол мөрөн,
нуурын мөсөн дээр тоглуулахгүй байж болзошгүй эрсдэлээс урьдчилан
сэргийлэхийг Онцгой байдлын ерөнхий газраас анхаарууллаа.
