Ulaanbaatar
Нийслэлийн агаар цэвэр байна
МОНГОЛЫН МЭДЭЭ | БАЙГАЛЬ ОРЧИН
Улаанбаатар
/МОНЦАМЭ/. Агаарын
бохирдлыг хэмждэг цэгүүдээс ирүүлсэн мэдээгээр, өнөөдөр өглөөний 9 цаг 45 минутын
байдлаар Улаанбаатар хот агаарын бохирдолгүй байна.
Тухайлбал, “100 айлд” агаарын чанарын индекс 37, “Монгол
газар”-т 34, “Баянхошуунд” 24, “Нэгдүгээр хороололд” 23 байна. Харин “Ургах
наранд” агаарын чанар хэвийн буюу агаарын чанарын индекс 65-ыг зааж байна.
Бохирдолтой өдөр болон байршлыг улаанаар тэмдэглэсэн байна.
Өнгөрсөн долоо хоногт буюу энэ сарын 21-27-ны хооронд Улаанбаатар хотын агаарын бохирдол ихэнх байршилд бага түвшинд байсан байна. Зарим өдөр “Нэгдүгээр хороолол”, “100 айл”, “Зурагт” орчимд бохирдолтой байжээ.
Агаарын чанарын индекс
0-50 заасан тохиолдолд агаар цэвэр буюу хүний эрүүл мэндэд сөрөг нөлөөгүй гэж
үздэг. 51-100 заавал агаарын чанар шаардлага хангах боловч зарим
бохирдуулах бодисын нөлөөлөлд хэт мэдрэг хүмүүс өртөж болзошгүй байдаг. Харин
ДЭМБ-ын тогтоосноор, агаарын чанарын индекс 500-гаас дээш давсан тохиолдолд
хүүхэд, хөгшдийг гэрээсээ гарахгүй байх, биеийн хүчний ажил гадаа хийхгүй
байхыг зөвлөдөг.
