Ulaanbaatar
Манай улсад омикрон хувилбарын зөөвөрлөгдсөн 12 тохиолдол батлагдлаа
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Манай улсад омикрон хувилбарын
зөөвөрлөгдөж ирсэн 12 тохиолдол батлагджээ.
Энэ тухай ХӨСҮТ-ийн ерөнхий захирал Ц.Билэгтсайхан өнөөдрийн хэвлэлийн хурлын үеэр
мэдээлэхдээ, “Геномын дараалал тогтоох шинжилгээгээр манай улсад нийт
12 сорьцод омикрон хувилбар батлагдлаа. Энхийг
сахиулагчдаас 10, Истанбул-Улаанбаатарын нислэгээс нэг, Бангкок-Улаанбаатарын нислэгээр ирсэн нэг иргэнээс тус тус
илэрсэн. NGS-ээр баталгаажуулах энэ
шинжилгээг олон сорьцоос түүвэрлэж цөөн тооны сорьцод хийдэг. Мөн дотоодын
халдвар болон бусад нислэгээр зөөвөрлөгдөж ирсэн PCR шинжилгээгээр омикроны сэжигтэй тохиолдлуудын дараагийн шинжилгээг
төлөвлөж байна. NGS-ийн технологиор шинжилгээ хийхэд 7-10 хоног
шаарддаг" хэмээв.
Эдгээр тохиолдлын 10 нь эмнэл
зүйн хувьд хөнгөн байгаа гэдгийг тэрбээр тодотгов.
Манай улс 11 дүгээр сарын 27-ноос хойш 109 нислэг хүлээн авснаас 54-т нь коронавируст халдварын тохиолдол бүртгэгджээ.
