Ulaanbaatar
Универсиадын футзалын төрөлд Олон улсын Улаанбаатар Их сургууль түрүүлэв
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын оюутны спортын V наадмын футзалын тэмцээнд /2022.04.26-27/ ШУТИС, МУИС, ХААИС, АШУҮИС, ХУИС, ОУУБИС зэрэг 15 баг хоёр өдрийн турш Монголын хөл бөмбөгийн холбооны футзалын ордонд өрсөлдөж аваргаа шалгаруулав.
Энэ тэмцээнд К.Болдбаатар дасгалжуулагчтай, Я.Алтансүх ахлагчтай Олон улсын Улаанбаатар Их сургуул/ОУУБИС/-ийн баг түрүүлж, 2 дугаар байрт Б.Баярцэнгэл дасгалжуулагчтай, Т.Даваадорж ахлагчтай Рояаль ОУИС, 3 дугаар байрт Б.Баярсайхан дасгалжуулагчтай, П.Билэгжаргал ахлагчтай ИЗОУИС-ийн баг тамирчид тус тус шалгарлаа.
Тэмцээний
хаалтын үйл ажиллагаа Футзалын ордонд болж шагналт байрт шалгарсан тамирчдын
шагналыг наадмын зохион байгуулах хорооны гишүүн, БШУЯ-ны дээд боловсролын
газрын ахлах шинжээч Д.Баяр, МОСХ-ны удирдах зөвлөлийн гишүүн, ШУТИС-ийн биеийн
тамир, спортын тэнхимийн эрхлэгч О.Баатарзоригт, Наадмын зохион байгуулах
хорооны гишүүн, Монголын оюутны холбооны ерөнхийлөгч Г.Анударь нар гардуулан
өгсөн юм.
